jetpisbai.kz Ұлы Дала жаңалықтары
Түркістан облысының прокуратурасында алғаш рет прокуратура органдарына қызметке кірген Құқық қорғау органдары академиясының түлектері салтанатты түрде ант қабылдап,оларға 3-сыныпты заңгер шені берілді.
Жас қызметкерлер Қазақстан Республикасының Конституциясы мен заңдарын мүлтіксіз сақтауға, заңдылықтың сақталуына жоғары қадағалауды жүзеге асыруға және азаматтардың құқықтары мен бостандықтарын қорғауға, өзіне жүктелген міндеттерді адал ниетпен орындауға ант етті.
Облыс прокуроры М.Тлеубердиев оларды құттықтап, жұмыс барысында объективті және әділ шешім қабылдауға, кәсіби абыройды сақтауға және адамгершілік пен қарапайымдылықтың үлгісі болуға шақырды.
