Полицейлер көршісінің 20-ға жуық қойын ұрлаған екі күдіктіні ұстады

Түркістан облысы Арыс ауданының полицейлері мал ұрлығына қатысты бар ағайынды екі ер адамды ұстады. Күдіктілер жергілікті жердің жұмыссыз тұрғындары болып шықты.

Яғни олар алдын ала сөз байласып, түнгі уақытта көршісінің қорада тұрған 20 қойын «Газель» маркалы автокөлігіне тиеп, иесіне байқатпай жымқырып кеткен. Содан малдарды сатып, ақшаны өзара бөліскен.Жәбірленушіге 1,5 миллион теңге шығын келтірген.

Күдіктілер қамауда, оларға қатысты сотқа дейінгі тергеу амалдары жүргізілуде.

Қазіргі уақытта үй жануарларын еркін жаю орындарынан, сондай-ақ жануарларды ұстау аумағынан ұрлаудың алдын алу және ескерту өзекті мәселе болып отыр.

Көбінесе азаматтардың өздері қаскүнемдерге оңай пайда табуға себеп болады. Сонымен, барлық елді мекендерде азаматтар мал жаю үшін арнайы бөлінбеген жерлерге шығарады. Сонымен қатар, олар оны қараусыз қалдырады, бұл — малдың жоғалуына, оны өз бетінше іздеуге және жоғалған мал фактілері туралы Құқық қорғау органдарына уақтылы хабарлау мүмкіндігі болмауына әкеледі.

Жеке аулалар мен еркін мал жаю орындарының аумақтарынан үй малын ұрлаудың алдын алу мақсатында азаматтар үй малы ұсталатын аулалардың (биік қоршаулар, қақпалардағы тиек құрылғылары және т. б.) және шаруашылық құрылыстарының техникалық нығайтылуын күшейту бойынша шаралар қабылдауы, өз малын тек ұйымдастырылған мал жаю орындарына айдауды жүзеге асыруы, жануарларды биркалау және таңбалау жүргізуі, үй малын көшеде қараусыз қалдырмауы, еркін жаюға, оның ішінде елді мекен аумағында еркін жаюға жол бермеуі қажет, мал жоғалған жағдайда дереу полицияға хабарласыңыз.

Мал ұрлығының алдын алу мақсатында, «ҚР ІІМ 2024-2026 жылдарға арналған мүлікті сақтау жөніндегі бағдарламасын» іске асыру шеңберінде полиция бөлімі жергілікті атқарушы органдардың, ветеринариялық қадағалау және бақылау инспекциясының өкілдерімен өзара іс-қимыл жасай отырып, қараусыз қалған мал жаю фактілерін анықтау бойынша іс-шаралар жүргізеді.

Қараусыз қалған малды жаю фактісі анықталған жағдайда полиция қызметкерлері мен ветеринариялық инспекция өкілдері іс материалдарына тиісті растайтын құжаттарды қоса тіркей отырып, ауыл шаруашылығы жануарларын бірдейлендіру базасы арқылы иелерін анықтау бойынша шаралар қабылдайды. Қараусыз қалған мал арнайы қораларға орналастырылады, кейіннен иелеріне қайтарылады.