jetpisbai.kz Ұлы Дала жаңалықтары
Түркістан облысы Полиция департаменті Жергілікті полиция қызметі басқармасының полицейлері ағымдағы жылдың 30 маусымы мен 4 шілде күндері аралығында «Автобус» жедел-профилактикалық іс-шарасын өткізуде, деп хабарлайды jetpisbai.kz ақпараттық агенттігі Түркістан облысының Полиция Департаментінің баспасөз қызметіне сілтеме жасап.
Іс-шараның негізгі мақсаты — жол қауіпсіздігін сақтап, түрлі апаттардың алдын алу, жол-көлік оқиғаларын азайту, сондай-ақ, қоғамдық көлік жүргізушілері арасындағы заң бұзушылықтарды анықтау болып табылады.
«Автобус» жедел-профилактикалық іс-шарасы басталғаннан бері 4 тәулік ішінде полицейлер 1412 әкімшілік құқық бұзушылықты тіркеді. Оның ішінде 6 дерек жылдамдықты арттыру және 62 жайт маневр жасау ережелерін бұзу жайттары болды. Сондай-ақ ұялы телефон қолданғаны үшін 289 жүргізуші, ал сақтандырусыз автокөлік жүргізгені үшін 51 жүргізуші әкімшілік жауапкершілікке тартылды.
Сонымен қатар, рейдтік іс-шаралар барысында полиция қызметкерлері жолаушыларды, багажды және жүктерді тасымалдау ережелерінің 216 заң бұзушылығын, сондай-ақ, 70 тиісті рұқсатсыз қайта жабдықтау дерегін, рейс алдындағы техникалық байқаудан және медициналық тексеруден өтпеген 32 жайтты анықтады. Ал айыппұл тұрағына 40 автокөлік қойылды.
Түркістан облысының полицейлері қоғамдық көлік жүргізушілерінің Қазақстан Республикасы жол қозғалысының ережелерін (ЖҚЕ) сақтауын қамтамасыз ету бойынша осындай жеделдетілген іс-шараларды алдағы уақытта үздіксіз жүргізе бермек.
Құрметті көлік жүргізушілері мен жолаушылар! Жолда жүргенде жол ережесін қатаң сақтап, түрлі апаттардың алдын алуға, сондай-ақ, заң бұзушылықтан аулақ болуға шақырамыз!
