jetpisbai.kz Ұлы Дала жаңалықтары
Сайрам аудандық Полиция басқармасына жергілікті тұрғын арызданды. Әйел адамның айтуынша, оның ауылдасы мүгедектік зейнетке шығарып беремін деп, 400 000 теңге ақшасын алған. Алайда, жарты жылдан аса уақыт өтсе де, берген уәдесін орындамай созбалыққа салып жүрген. Аталған жайтты полиция қызметкерлері ҚР ҚК-нің 190-бабы «Алаяқтық» бойынша тіркеуге алды.
Хабар алған бойда тәртіп сақышары бірден іске кірісті. Олар жедел-іздестіру шараларын жүргізіп, нәтижесінде қылмысқа қатысы бар күдікті анықталды. Ол жұмыссыз жергілікті тұрғын болып шықты. Белгілі болғандай, күдікті ер адам несиелерін жабу үшін осындай әрекетке барған. Ол жәбірленушіден алған ақшаны бас пайдасының қажеттілігі үшін жаратып жіберген. Қазіргі таңда сезіктіге қатысты сотқа дейінгі тергеу амалдары жүргізілуде.
Түркістан обысының полицейлері тұрғындарға алаяқтыққа тап болмас үшін, күмәнді қызмет ұсынатын адамдардан аулақ болуға шақырады. Сонымен қоса, егер де, сіз, алаяқтыққа тап болсаңыз, немесе куәсі болсаңыз, бірден полицияға хабарласыңыз.
