jetpisbai.kz Ұлы Дала жаңалықтары
Жыл басында Шымкент қаласының әкімі Мұрат Әйтенов ҚР Президенті Қасым-Жомарт Тоқаевтың қабылдауында болып, үшінші мегаполистің былтырғы әлеуметтік-экономикалық даму көрсеткіштері бойынша есеп беріп, алдағы кезеңге арналған жоспарын таныстырды.
Мемлекет басшысына қала әкімі жыл соңына дейін шет аудандардың тұрғындары ауыз сумен және электр қуатымен толық қамтамасыз етілетінін баяндаған болатын.
Қасым-Жомарт Тоқаев Мұрат Әйтеновке әлеуметтік мәселелерді шешу, қала тұрғындарының тұрмыс сапасын арттыру, сондай-ақ Шымкент қаласын одан әрі дамыту жөнінде бірқатар міндет жүктеді.
Қазіргі таңда қала бойынша 81 елді-мекеннің 80-і сапалы электр жарығымен қамтылса, 1 елді-мекенде электр қуаты сапасыз.
2023 жылы сапалы электр қуатымен қамту бойынша 6 нысанның, оның ішінде 4 елді мекенде ішкі жүйелерінің, 1 қосалқы стансаның құрылыс жұмыстары және 1 электр тарату бекеті жұмыстары жүргізілуде.
1 тоқсан ішінде: 6 елді мекенде ішкі электр жүйелерінің құрылысы жалғасын тауып, мердігер мекемелер, 153,2 км электр желілері, 15 электр тарату бекеті, 38 трансформатор, 1 қосалқы станция орнатылады.
1-ші тоқсан қорытындысымен 1 елді мекенде ішкі жүйелердің құрылыс жұмыстары аяқталып, 10 мыңға жуық адам сапалы электр қуатымен қамтылды.
Сондай-ақ, электр қуаты бойынша Қайнарбұлақ тұрғын алабында құрылыс-монтаж жұмыстары 95 пайызға аяқталды. 2023 жылдың маусым айында пайдалануға беруді жоспарлап отырмыз. Құрылыс жұмыстарын жүргізуші мердігер мекеме «А.МЕРЕЙ И К» ЖШС-і осы уақытқа дейін ұзындығы 68,6 шақырымдық электр жүйелерін жүргізген. Жоспар бойынша 2023 жылы маусым айында 2 760 абонент электр қуатымен қамтылатын болады. Айта кетейік, биыл қала аумағындағы барлық елдімекенге сапалы электр энергиясы жеткізіледі.
Атап айтатын болсақ, жыл соңына дейін 8 шағынауданда құрылыс жұмыстары аяқталып, қаланы үздіксіз электр жүйесімен қамту көрсеткіші 100 пайызға жетеді. Нәтижесінде абоненттер жарыққа екі есе арзан төлем жасайды. Тұрғын үйлерді электр желісіне қосу жұмыстары тегін жүргізіледі. Мемлекеттен тартылған электр энергиясының тариф бағасы жеке тұлғаларға әр Кв үшін – 17 теңге, заңды тұлғаларға — 35 теңге, бюджеттік ұйымдарға — 39 теңге болып белгіленген. Қазіргі таңда Нұрсат, Қайнарбұлақ, Түркістан, Тұран, Ақжар, Ынтымақ (ПС 110 кв) Бозарық, Асар елдімекендерінде электр желілерін тарту жұмыстары жалғасуда. Сондай-ақ, наурыз айында Бозарық, Асар шағынаудандарында 600 тұрғын үйге жарық берілді.
