jetpisbai.kz Ұлы Дала жаңалықтары
Қазақстан Республикасы Президентінің «ӘДІЛЕТТІ МЕМЛЕКЕТ. БІРТҰТАС ҰЛТ. БЕРЕКЕЛІ ҚОҒАМ» атты Қазақстан халқына Жолдауында ескі құрылыс стандарттары мен нормаларын сынға алған болатын. Осы орайда, Шымкентте жаңадан салынып жатқан тұрғын үйлер, жаңғыртылатын және күрделі жөндеуден өтіп жатқан обьектілердің сапасына бақылау күшейтілді, бұл туралы Шымкент қаласының орта сапасы және бақылау басқармасы мәлімдеді, деп хабарлайды jetpisbai.kz ақпараттық агенттігі.
Соңғы бес жылда қалаға ауқымды инвестиция салған алпауыт құрылыс компаниялары бүгінде тұрғын үй құрылысын қарқынды жүргізуде. Құрылыс нарығында өзіндік орны бар «BI Group», «Otau», «Capital invest construction», «OKS –Shymcity», «Kanfar Bulding» компаниялары мегаполистің сәулеттік келбетін айшықтайтын заманауи, зәулім тұрғын үйлер салуда.
Бүгін қала әкімі Мұрат Әйтенов құрылыс аумақтарында болып, бизнес және эконом класты тұрғын үйлерді аралады. Алдымен «БазисА» компаниясы салып жатқан Әкімшілік-іскерлік орталығындағы «Шахристан» тұрғын үй кешенінің құрылысын тексерді. Мұнда қазір арнайы бригадалар сыртқы және ішкі әрлеу жұмыстарын жүргізуде.
М.Дүйсенбекұлы жауаптылармен бірге «Отау Строй» ЖШС-нің Тұран шағынауданындағы 20 585 шаршы метрді құрайтын «City Otau» тұрғын үй кешеніне де барды. 5 блоктан тұратын тұрғын үйлердің құрылысы толық аяқталып, қазір қабылдануда.
Сондай-ақ қала әкімі Шым Сити шағынауданында орналасқан 33 936 шаршы метрді құрайтын «Капитал Сити» тұрғын үй кешені, «BI Group» ЖШС-нің Төлеметов көшесі бойында орналасқан «Гранд парк К1» тұрғын үй кешені, 17 шағынауданындағы «Канфар» ЖШС салып жатқан «Бірлік» тұрғын үй кешені аумақтарында болып, атқарылған жұмыстарды қадағалады.
Қазір аталған аумақтарда құрылыс жұмыстары қарқынды жүргізілуде. Барлық тұрғын үйлер жыл соңына дейін пайдалануға берілетін болады.
Жалпы, биылғы жылы қалада 1 млн 73 мың шаршы метр тұрғын үйді қолданысқа беру жоспарлануда. Алдағы уақытта бұл көрсеткішті 2 млн шаршы метрге дейін жеткізу көзделіп отыр.
Қаладағы тұрғын үй құрылысының барысымен танысқан М. Дүйсенбекұлы жауаптыларға ең алдымен жұмыстардың сапалы, өндірістік кестеге сай орындалуын назарға алуды тапсырды. Сондай-ақ қаланың сәулеттік кескін-келбетін айқындайтын ауқымды жобалар ұсынатын инвесторлар тартуда, бизнес өкілдерімен қолайлы жағдайда әріптестік орнатуда нақты тапсырмалар жүктеді.
