jetpisbai.kz Ұлы Дала жаңалықтары
Түркістандағы Қожа Ахмет Ясауи атындағы Халықаралық қазақ-түрік университетінде «Ана жұрттан — Ата жұртқа» атты денсаулық көпірі жобасы аясында Түркиядан келген қос бірдей білікті дәрігер тәжірибелерімен бөлісті.
Түркия елінің Аджибадем Фуля клиникасынан шақыртылған профессор, доктор Хакан Өзюважы «Имплантология негіздерінің заманауи тәсілдері» атты халықаралық мастер-класс өтті. Дәрігер 16 сағат теориялық, 8 сағат тәжірибелік сабақ берді. Мастер-класс аясында университетіміздің Клиника-диагностика орталығында екі науқасқа имплантация операцияларын жасап, қазақстандық әріптестерінің тәжірибелік дағдыларын шыңдауына көмектесті.
Сонымен қатар, Аджибадем Фуля клиникасынан шақыртылған тағы бір профессор, доктор Өмер Фарук Ташер «Тізе буыны жарақаттарының заманауи емдеу әдістері» атты семинар өтті. Бұдан әрі Клиника-диагностикалық орталығымызда тізе буынының зақымдануы бар күрделі жағдайларға реконструкциялық операциялар жасады. Бейнежазба залынан Түркістан, Шымкент және алыс-жақын аймақтардың білікті мамандарының белсенді қатысуымен жүргізілген операциялар тікелей эфирде көрсетілді.
Айта кетерлігі, мастер-класс аясында Қазақстанның оңтүстік аймағында бірінші рет «All-inside» әдісі бойынша ота жасалынды.
Дәрігер Өмер Фарук Ташер қатысушыларға «All-inside» әдісінің егжей-тегжейлі тұстарымен бөлісіп, артықшылықтарын сараптады. Сондай-ақ, қатысушылардың сұрақтарына интерактивті түрде жауап берді.
