ШЫМКЕНТТЕ БИЫЛ ЕСІРТКІМЕН КҮРЕС НӘТИЖЕСІНДЕ 200 КИЛОГРАМНАН АСТАМ ЕСІРТКІ ЖӘНЕ ПСИХОТРОПТЫ ЗАТТАР, 117 ТҮП СОРА ТӘРКІЛЕНДІ

Бұл туралы бүгін Ақпараттық-коммуникациялық орталығының алаңында Шымкент қаласы прокуратурасының сотқа дейінгі тергеп-тексерудің заңдылығын қадағалау және қылмыстық қудалау басқармасының бастығы Досанов Жандос Есенжанұлы және Шымкент қаласы полиция департаментінің есірткі қылмысына қарсы іс-қимыл басқарма бастығының орынбасары Сакенов Сабыржан Жарылқасынұлының қатысуымен қаладағы есірткі қылмыстарының алдын алу және онымен күресу төңірегінде өткен баспасөз брифингте мәлім болды.

Шымкетте осы жылдың 7 айында есіркімен күрес жұмыстарының нәтижесінде заңсыз айналымнан 200 кг-нан астам есірткі және психотропты заттар мен 117 түп сора тәркіленді.

Қылмыстық қудалау органдардың негізгі күштері героин, марихуана, гашиштан бөлек, қазіргі таңда қарқынды таралып жатқан қоғамдағы ең өзекті және аса қауіп төндіретін синтетикалық есірткіні жеткізу, тарату және заңсыз дайындау арналарының жолын кесуге бағытталуда.

Биыл 140 кг-нан астам синтетикалық есірткі заңсыз айналымнан тәркіленіп, жойылды. Синтетикалық есіртікінің жасаушы заттар, яғни химиялық тұздар қол жетімдігі жоғары. Олар бірігіп дайындалмағанша ешқандай қылмысты құрамайды. Сондықтан елімізде оны өңдейтін зертханалар ашылуда. Биылға 1 синтетикалық ескірті заттарын өндеу зертханасы мен 1 сора өсімдіктерін өсіру үшін фитозертханасы анықталды.

Бұдан өзге, 2023 жылыдың 31-ші наурызында Ұлттық қауіпсіздік комитетінің қалалық департаменті жедел-іздестіру іс-шараларын жүргізу барысында қала тұрғындарының топ болып, сөз байласып, Түркістан облысы, Түлкібас ауданында арнайы зертхананы жабдықтап, синтетикалық есірткіні өткізу мақсатында заңсыз дайындау фактінің жолын кесті. Бұл бойынша аса ауыр санаттына жататын іс тіркеліп, қазіргі таңда тергеп-тексеру жүргізілуде. сотқа дейінгі тергеп-тексеру әрекеттерін бастаған. Тергеу барысында анықталғаны 2 адам Түлкібас ауданында орналасқан үйді сатып алып, әр түрлі көлемдегі пластикалық құтыларға құйылған сұйықтықтарды, ақ түсті ұнтақ түріндегі шикізаттарды және әр түрлі формадағы көптеген шыны колбаларды алып, зертхананы ұйымдастырған. Тінту барысында 20 кг-нан астам есірткі тәркіленді. Одан бөлек, тергеу барысында олардың алдын ала синтетикалық есірткіні жасырған бірнеше орындарынан жалпы 11-кг-нан астам (11 339 грамм) есірткі қосымша тәркіленді.

Қазіргі таңда күдіктілер қамауда. Істің өндірісі қала прокуратурасының қатаң бақылауында.