jetpisbai.kz Ұлы Дала жаңалықтары
Мемлекет басшысы Қ.К. Тоқаевтың бастамасымен елімізде өтіп жатқан «Таза Қазақстан» акциясы аясында аудан аумағындағы сенбілік жұмыстары аудан әкімдігінің ұйытқы болуымен қарқынды жалғасуда, – деп хабарлайды Jetpisbai.kz тілшісі Түлкібас Ауданы әкімінің баспасөз қызметіне сілтеме жасап.
Сенбі күннің ауа-райы қолайлығын пайдаланған жалпы мыңнан астам мемлекеттік мекеме қызметкерлері азаңғы 9-30 дан бастап аудан аумағынан өтетін 60 шақырымды құрайтын Жамбыл облысының шекарасынан бастап, Сайрам ауданының шекарасына дейінгі «Батыс Еуропа-Батыс Қытай» автодәлізінің бойына сенбілікке шығып, ағаштарды реттеу, түбін әктеу, қураған ағаштар мен күл-қоқыстан тазарту сынды жұмыстарды атқаруда.
Бұл жерде әр мекемеге тиісті аумақ бөлініп, ол жерлерге қажетті әк, су ауылдық округ әкімдіктері тарапынан жеткізіліп тұрды. Жиыналған қоқыстарға арнайы техника қойылып, тиісті орындарға тасымалдануда.
Құрметті аудан тұрғындары мен қонақтары, автокөлік жүргізушілері және жолаушылар!
Тазалық оны сақтаған жерде болатыны белгілі. Сол себептен, жол жүргенде ішіп-жеген және басқа да заттардың қалдықтарын лақтырмай, жинап арнайы орындарға тастау керектігін ескертеміз!
Тынымсыз тазалық жұмыстарын жүргізіп жатқан жандардың еңбегін бағалайық!
© Jetpisbai.kz
