Түркістандықтар «Таза Қазақстан» акциясы аясында өткен кезекті жалпыхалықтық сенбілікке белсене қатысты, – деп хабарлайды Jetpisbai.kz тілшісі Түркістан Қаласы әкімінің баспасөз қызметіне сілтеме жасап.
Бүгін таңғы 9-дан басталған шараға 1000- нан астам қала тұрғыны атсалысты. Шаһардың 40 көшесінде тазалық жүргізіп, 130 тонна қоқыс жинады.
Одан бөлек, тұрғындар өз аулаларын реттеп, көгалды аумақтарына күтім жасады. Ағаш түптерін әктеп, ескірген қасбеттер боялды.
Айта кетейік, жалпыхалықтық сенбілікке әкімдік тарапынан 30 техника күші жұмылдырылды.
© Jetpisbai.kz