jetpisbai.kz Ұлы Дала жаңалықтары
Бүгін елімізде өтіп жатқан жалпыхалықтық сенбілік аясында ауыл-аймақты көгалдандыру мақсатында аудан аумағындағы республикалық, облыстық маңызы бар жол бойларына, елді мекендердің кіре берістеріне аудан әкімдігінің ұйытқы болуымен 680 түп шырша, арша, қараағаш, ерен(яссень) ағаштарының көшеттері егілді, – деп хабарлайды Jetpisbai.kz тілшісі Түлкібас Ауданы әкімінің баспасөз қызметіне сілтеме жасап.
Жалпы биылғы көктемде аудан аумағында 29 590 дана сәнді, жеміс және т.б. ағаштарының көшеттері егілсе, соның 4600 данасы ауыл тұрғындары және демеушілер есебінен “Таза Қазақстан” науқаны аясында отырғызылып отыр.
Осылайша Түлкібас ауданында ауыл аймақты көгалдандыру мақсатында ауқымды жұмыстар атқарылып келеді.
Бүгін ауа-райының қолайсыздығына қарамастан жалпыхалықтық сенбілікке ат салысқан жандарға алғысымызды білдіреміз.
© Jetpisbai.kz
