jetpisbai.kz Ұлы Дала жаңалықтары
«AMANAT» партиясының Қазығұрт аудандық филиалында аудан әкімі Азизхан Исмаиловтың қатысуымен қоғамдық қабылдау өтті, – деп хабарлайды Jetpisbai.kz тілшісі Қазығұрт Ауданы әкімінің баспасөз қызметіне сілтеме жасап.
Қоғамдық қабылдауға «AMANAT» партиясы Қазығұрт аудандық филиалының төрағасы, аудандық мәслихаттың депутаты Есімхан Исақұлов, аудан әкімінің орынбасарлары Мұхамедғали Әшірбаев, Серік Тұрсынқұлов, аудандық мәслихаттың депутаты Марат Нұран, тиісті ауыл округ әкімдері мен дербес бөлім және мекеме басшылары қатысты.
Қабылдауға 20 адам жазылып, тұрғын үй, көше жарығы, әлеуметтік көмектер, спортты қолдау, құрылыс және жол салу, жер беру, жалақыны көтеру және бірқатар білім беру саласы мәселелері төңірегінде өтініштерін жеткізді.
Қоғамдық қабылдау барысында әрбір азаматтың қойған сұрақтары мен көтерген мәселесі жан-жақты талқыланып, Заң аясында нақты жауаптар айтылды. Аудан әкімі ешкімнің де өтініші елеусіз қалмайтынын басып айтып, тиісті мекемелерге шешу жолдарын табуға тапсырмалар берілді.
© Jetpisbai.kz
