jetpisbai.kz Ұлы Дала жаңалықтары
Облыстық «Фараб» әмбебап ғылыми кітапханасының ұйымдастыруымен «Кітапханашы азамат» байқауы өткізілді, – деп хабарлайды Jetpisbai.kz тілшісі Түлкібас Ауданы әкімінің баспасөз қызметіне сілтеме жасап.
Байқау мақсаты – көпшілік кітапханалардың кадрлық әлеуетін дамыту, ер азамат кітапханашы мамандардың кәсіби құзыреттілігі мен шеберлігін арттыруға жәрдемдесу, кітапхана саласына ер азаматтарды тарту, шығармашылық бастаманы дамыту және жас кітапханашыларды ынталандыру.Байқауда қатысушы ер-азамат кітапханашылар екі кезең бойынша бақ сынады. Қатысушыларды облыстық мәдениет және туризм басқармасының бөлім басшысы, ақын Мұқағали Кенжетайұлы, облыстық «Фараб» әмбебап ғылыми кітапхана директоры Жанат Шардарбекова және «Оңтүстік Қазақстан» облыстық қоғамдық-саяси газетінің журналисті, ақын Бауыржан Ерман бағалады.
Байқау нәтижесінде ауданымыздан қатысқан кітапханашы Нұрбол Нышанбай жеңімпаз атанып, республикалық «Жас кітапханашы» байқауына қатысуға жолдаманы иеленді.Республикалық байқауда сәттілік тілейміз!!!© Jetpisbai.kz
