Аудан әкімі Азизхан Исмаилов, 2021-2025 жылдарға арналған кәсіпкерлікті дамыту жөніндегі ұлттық жоба аясында жаңа бизнес-идеяларды іске асыруға арналған мемлекеттік грант алып, кәсібін дөңгелетіп отырған азаматтардың жұмысымен танысу және оларды қолдау мақсатында арнайы Қазығұрт ауыл округінде орналасқан 2 кәсіпкерлік нысанға барды, – деп хабарлайды Jetpisbai.kz тілшісі Қазығұрт Ауданы әкімінің баспасөз қызметіне сілтеме жасап.
![Возможно, это изображение 2 человека, костюм и текст](https://scontent.fcit1-1.fna.fbcdn.net/v/t39.30808-6/451827456_8411484428861495_6622168096581977087_n.jpg?_nc_cat=105&ccb=1-7&_nc_sid=127cfc&_nc_ohc=q_dxGUDRn54Q7kNvgH-GOYp&_nc_ht=scontent.fcit1-1.fna&oh=00_AYCKZV2H_0DOaOV5UBuLnVbIgqh0r9Fe-BceKbi6jYGNcw&oe=669DF92A)
Оның бірі Пернекүл Исакованың «AISARA» авто ательесі болса, екіншісі Сапаркүл Сайлауқызының «Тігін техникасын дамыту» орталығы.
Қос кәсіпкер де 2023 жылы жаңа бизнес-идеяға берілетін 1 млн 380 мың теңге қайтарымсыз грантты иемденіп, кәсібін бастаған.
Қазіргі таңда бірі автокөліктердің ішкі бөлігіне арналған заттар тігумен айналысса, екіншісі түрлі заманауи киім-кешектер мен ауданымыздың бишілер тобына арнайы костюмдер тігуді қолға алған. Бұл кәсіпкерлердің қолынан шыққан бұйымдарға сұраныстар өте жоғары.
Аудан әкімі Азизхан Азимханұлы грант иегерлерінің жұмысын көріп, оң баға берді. Сондай-ақ, арнайы сұхбат құрып, кәсіпкерлікті қолдайтынын жеткізді. Мемлекет тарапынан беріліп жатқан көмектерді айта келіп, заң аясында кез келген көмектерді көрсетуге дайын екендігін жеткізді.
![Возможно, это изображение 3 человека, утюг и текст](https://scontent.fcit1-1.fna.fbcdn.net/v/t39.30808-6/451755472_8411484638861474_5802405587823456083_n.jpg?_nc_cat=111&ccb=1-7&_nc_sid=127cfc&_nc_ohc=A3wCjGMWZpQQ7kNvgEIEra9&_nc_ht=scontent.fcit1-1.fna&oh=00_AYBc8uxN62eF616_GfAe3l8u5zIYetnamLVLSaGiUN0EHQ&oe=669E2574)
Өз кезегінде кәсіп иелері де мемлекет тарапынан жасалып жатқан мұндай мүмкіндіктердің барына ризашылықтарын білдіріп, халық атынан алғысын айтты. Сонымен қатар, мұндай жобалар жұмыссыздықты төмендетіп, халықтың әл-ауқатын жақсартатынын тілге тиек етті. Алдағы жоспарларымен бөлісіп, ауданымыздың экономикалық дамуына үлес қосатындықтарын жеткізді.
© Jetpisbai.kz