Түркістан қаласының әкімі Нұрбол Тұрашбековтің Сауран, Яссы секторларында өткен тұрғындармен кезекті кездесуінде тазалық мәселесі өзекті болды, – деп хабарлайды Jetpisbai.kz тілшісі Түркістан Қаласы әкімінің баспасөз қызметіне сілтеме жасап.
![Возможно, это изображение 6 человек и помост](https://scontent.fcit1-1.fna.fbcdn.net/v/t39.30808-6/451966228_8411462855530319_7045515037744881497_n.jpg?_nc_cat=105&ccb=1-7&_nc_sid=127cfc&_nc_ohc=pCfOXiUO-EUQ7kNvgHRhONp&_nc_ht=scontent.fcit1-1.fna&oh=00_AYBm-q8y5yXNMipxbD1LzIXJbPXmRkebKPkXuBc4ljwLfQ&oe=669E1506)
Жиынға қатысқан қала тұрғындары шаһардың жайнап-гүлденуіне ризашылығын білдіріп, алғыс айтумен қатар әрбір қала тұрғыны қоқыс қалдықтарын арнайы орындарға тастап, қаламызға жанашырлық таныту керектігін айтты. Сонымен қатар, әкіммен кездесуге тұрғындар инфрақұрылым, ойын алаңшалары, атаулы әлеуметтік көмек, жер телімі, тұрғын-үй кезегі және тағы да басқа жеке мәселелерімен келген.
Нұрбол Әбдісаттарұлы кездесуде тұрғындар тарапынан айтылған кейбір мәселелер бойынша арнайы өзі барып тексеретінін жеткізді. Және тиісті сала жетекшілеріне ұсыныстарды заң аясында зерделеуді тапсырды.
![Возможно, это изображение 6 человек и текст](https://scontent.fcit1-1.fna.fbcdn.net/v/t39.30808-6/451755211_8411463108863627_8689753229074523295_n.jpg?_nc_cat=107&ccb=1-7&_nc_sid=127cfc&_nc_ohc=k2DB4vBJj6kQ7kNvgHrvwIS&_nc_ht=scontent.fcit1-1.fna&oh=00_AYAPeXXxczgS5Hd2T2zMPDmJuLwr3hH-xyxUkNsmUhEYlw&oe=669E089C)
Әлеуметтік жағдайларын айта келген, баспанаға мұқтаж көп балалы, мүмкіндігі шектеулі азаматтардың да өтініштерін тыңдаған шаһар басшысы жалпы қала бойынша тұрғын-үй кезегінде 16 364 азамат барын айтты. Баспана орталықтандырылған кезек жүйесіне сәйкес табысталатынын түсіндірді. Кездесуден кейін қала әкімі тұрғындарды жеке мәселелерімен қабылдап, ұсыныс-тілектерін тыңдады.
© Jetpisbai.kz