Түркістанда «Күлтөбе қалашығы» ашық аспан астындағы заманауи археологиялық паркін құру жұмыстары жалғасуда, – деп хабарлайды Jetpisbai.kz тілшісі Түркістан облысы әкімінің баспасөз қызметіне сілтеме жасап.
![Возможно, это изображение 1 человек и текст](https://scontent.fcit1-1.fna.fbcdn.net/v/t39.30808-6/451828100_8411107125565892_5551392058031166783_n.jpg?_nc_cat=104&ccb=1-7&_nc_sid=127cfc&_nc_ohc=MmWD4TWP_VIQ7kNvgFRe_hy&_nc_ht=scontent.fcit1-1.fna&oh=00_AYA1lqQdAdgkAvX6REI0rBo-HvFCs7eiPEp9gDd5vd8Ivw&oe=669E1E8C)
Бұған дейін жобаның алғашқы кезеңі аяқталған болатын. Бұл қалашық «Әзірет Сұлтан» мемлекеттік тарихи-мәдени қорық-мұражайына иесілі. Барлық жұмыс ЮНЕСКО талаптарына сай жүргізілуде.
Аталған жобаның екінші кезеңін жүзеге асыру бойынша Түркістан облысының әкімі Дархан Сатыбалды сәулет, туризм, мәдениет саласына жауапты басшылар мен осы жобаға қызығушылық танытып отырған шетелдік компания өкілдерімен кеңес өткізді. Жиында Күлтөбе қалашығы маңынан заманауи туристік нысандар салу мәселесі талқыланды.
– Бұл қалашыққа келген саяхатшылар Қазақ халқының тарихынан, мәдениетінен, қасиетті Түркістан шаһарының өткенінен мағлұмат алатындай болуы тиіс. Біздің маңызды құндылығымыз – Қожа Ахмет Ясауи кесенесімен үндесіп, туристер келетін орынға айналуы керек. Жан-жақты зерттеп, зерделеп барып, жұмысты жүргіземіз, – деді Дархан Сатыбалды.
![Возможно, это изображение 1 человек и текст](https://scontent.fcit1-1.fna.fbcdn.net/v/t39.30808-6/451800937_8411107398899198_5575463531298510141_n.jpg?_nc_cat=103&ccb=1-7&_nc_sid=127cfc&_nc_ohc=Oab6LncjTvwQ7kNvgEhdWjj&_nc_ht=scontent.fcit1-1.fna&oh=00_AYDzgq_JcCPt_gqbwYSXovYj5OG9HUIXzf27bdyF9PE3oA&oe=669DF32D)
Жобаның жалғасы ретінде келушілерге заманауи сандық технологиялар арқылы ежелгі заманға саяхат жасауға мүмкіндік беретін нысан салынады. 3D форматының жетістіктері қолданылады. Нысан түнде жарқырап, ою-өрнектермен безендірілмек. Болашақта археологиялық парктің қонақтары үшін сандық технологиялар арқылы ежелгі заманға саяхат жасау мүмкіндігі туады. Осы маңнан табылған археологиялық жәдігерлер туралы да мағлұмат беріліп, қазақ мәдениеті, қолөнерінен сыр шертетін дүниелер жұртшылық назарына ұсынылады деп күтіліп отыр. Бұл жоба әлі зерделеніп, тиісті шешім қабылданады.
© Jetpisbai.kz