jetpisbai.kz Ұлы Дала жаңалықтары
Қала әкімі Ғабит Сыздықбековтің қатысуымен сегізінші шақырылымдағы мәслихаттың кезекті сессиясы өтті,– деп хабарлайды Jetpisbai.kz тілшісі Шымкент қаласы әкімінің баспасөз қызметіне сілтеме жасап. Күн тәртібінде бес ауданда атқарылған жұмыстар, жаңа оқу жылы мен жылу маусымына дайындық шаралары және өзге де өзекті мәселелер талқыланып, тиісті шешімдер қабылданды. Қала әкімі биыл жол жөндеу, көшелерді жарықтандыруда, жалпы, инфрақұрылымды жақсарту бағытында жұмыстар қарқынды жүргізіліп жатқанына тоқталды. Мектептер мен жылу маусымына дайындық шаралары да қызу атқарылуда. Бұл орайда мәслихат депутаттарының да еңбегін атап өткен Ғ.Әбдімәжитұлы қаланы гүлдендіру, халыққа қолайлы жағдай жасау — ортақ міндет екенін айтып, алдағы уақытта бірлесе атқарылатын игілікті істердің жалғасатынын жеткізді. Сондай-ақ қала басшысы биыл талай жылдан бері қордаланған күрделі мәселелердің шешімін тауып жатқанын, бұл ретте барынша еңбек етіп жатқан әріптестеріне қолдау көрсетуге шақырды.© Jetpisbai.kz
