jetpisbai.kz Ұлы Дала жаңалықтары
Бүгін Тұран ауданы Қазығұрт шағын ауданында сенбілік ұйымдастырылды. Қала аумағын көгалдандыру және экологиялық жағдайды жақсарту мақсатында өткізілген жиынға қала тұрғындары мен Тұран ауданы әкім аппарытының қызметкерлері қатысты. Іс-шара барысында 3 мыңнан астам ағаш отырғызылды. Егілген көшеттер күздік маусымға арналған айлан, клен және ясин деген көшеттер. Аудан әкімінің орынбасары Аманжол Бекболдың айтуынша, алдағы уақытта бұл аймақ демалыс саябағы болады.
— Сенбілік – қоршаған ортаны қоқыс қалдықтарынан тазартып, ағаш көшеттерін отырғызып халықты ауызбіршілікке шақыратын игілікті іс екендігі айқын. Осы ретте, Қазығұрт шағын ауданындағы бос жатқан аймақты көгалдандырудамыз. Бұл жерді демалыс аймағы айландыру үшін қажетті жағдайлар жасалынады. Аудан тұрғындары таза және жасыл орта құру жолында бір кісідей үлес қосуда. -дейді Аманжол Бақытжанұлы.
Сенбілік барысында аудан бойынша 17 мыңнан астам тұрғын, 32 бірлік арнайы техника жұмылдырылыпты. Нәтижесінде ауданнан 382 тонна қоқыс шығарылған.
Сонымен бірге, бүгін Шымкентте «Таза Қазақстан» акциясы аясында жалпықалалық сенбілік өтті. Қаланың тазалығын жақсарту үшін қала тұрғындары, мекемелер мен ұжымдар бірігіп, көшелер мен арықтарды қоқыстардан тазартты.
«Өңірлік коммуникациялар қызметі» КММ-нің қызметкерлері де Темірлан тас жолынан Сайрам көшесіне дейінгі аймақта тазалық жұмыстарын атқарып, табиғатты қорғауға өз үлестерін қосты.
Жалпы ел көлемінде Мемлекет басшысының тапсырмасы аясында «Таза Қазақстан» жалпыұлттық экологиялық акциясы қолға алынып, қоғамда жаңа мәдениет, жаңа қоғамдық этика орнығып келеді. Мұны туған елге деген сүйіспеншілік, жанашырлық деуге болады. Мұндай сенбіліктер экологиялық мәдениетті арттырып, қаланың санитарлық жағдайын жақсартуға көмектеседі.
