jetpisbai.kz Ұлы Дала жаңалықтары
Сауран аудандық Жастар ресурстық орталығының ұйымдастыруымен жастар арасында «Заң мен тәртіп» қағидатын насихаттау, құқықбұзушылықтың алдын алу және қоғамдағы өзекті мәселелердің алдын алуға бағытталған профилактикалық кездесу өтті.
Іс-шараға Сауран аудандық полиция бөлімінің қызметкерлері қатысып, жастарға құқықтық сауаттылықты арттыру, қоғамдық тәртіпті сақтау, интернет алаяқтық, буллинг, есірткі қылмысы, жол қозғалысы қауіпсіздігі, төтенше жағдайларды болдырмау және кәмелетке толмағандар арасындағы құқықбұзушылықтың алдын алу, түнгі уақытта ата-ананың еруінсіз жүруге болмайтынын ұғындыру бағытында түсіндірме жұмыстарын жүргізді.
Кездесу барысында жастар көкейлеріндегі сұрақтарын қойып, құқықтық мәселелер бойынша нақты жауаптар алды. Сондай-ақ заң талаптарын сақтау, азаматтық жауапкершілікті арттыру және құқықтық мәдениетті қалыптастырудың маңыздылығы кеңінен түсіндірілді.
Іс-шараның басты мақсаты – жастар арасында құқықтық сананы қалыптастырып, заңға құрметпен қарау мәдениетін нығайту, құқықбұзушылықтың алдын алу және қауіпсіз қоғам құруға әр азаматтың жауапкершілігін арттыру.
Кездесуде жастардың қауіпсіздігіне қатысты күнделікті өмірде кездесетін түрлі жағдайларға жеке тоқталып, олардың алдын алу жолдары түсіндірілді. Қатысушыларға күмәнді әрекеттерден аулақ болу, интернеттегі жеке деректерін қорғау және бейтаныс адамдардың ұсыныстарына сақтықпен қарау жөнінде кеңестер берілді.
Сонымен қатар жастарға өз құқықтарымен бірге міндеттерін де білу, қоғамдық ортада тәртіп сақтау және айналасындағылардың қауіпсіздігіне немқұрайлы қарамау қажеттігі айтылды. Құқықбұзушылықтың алдын алуда жастардың белсенді азаматтық ұстанымы мен жауапкершілігі маңызды екені атап өтілді.
Мұндай профилактикалық кездесулер жастардың құқықтық сауатын арттырып қана қоймай, түрлі қауіп-қатерлерді ерте кезеңде танып, дұрыс шешім қабылдауына мүмкіндік береді. «Заң мен тәртіп» қағидатын кеңінен насихаттауға бағытталған жұмыстар алдағы уақытта да тұрақты түрде жалғасын табады.
Жиын барысында жастарға қандай да бір құқықбұзушылық немесе қауіп төндіретін жағдайға куә болған кезде немқұрайлы қалмай, тиісті қызметтерге дер кезінде хабарлаудың маңыздылығы түсіндірілді. Қоғамдық қауіпсіздікті сақтау әр азаматтың саналы әрекеті мен жауапты ұстанымынан басталатыны атап өтілді.
Кездесу соңында жастарға құқықтық мәселелер бойынша қажетті ақпаратты тиісті мамандардан алуға болатыны айтылып, өз қауіпсіздігі мен айналасындағы адамдардың тыныштығына жауапкершілікпен қарауға шақырылды. Құқықтық тәртіпті сақтау – қауіпсіз әрі тұрақты қоғам қалыптастырудың негізгі шарттарының бірі екені тағы да атап өтілді.
