Жарнама жариялау құны: дайын материалды орналастыру – 30 мың теңге; 720х90 пиксельді баннер орналастыру – 140 мың теңге (30 күнге).
Главная » Қоғам » ШЫМКЕНТТЕГІ КӨРМЕ ОРТАЛЫҒЫНДА 200-ГЕ ЖУЫҚ ІС-ШАРА ҰЙЫМДАСТЫРЫЛҒАН

ШЫМКЕНТТЕГІ КӨРМЕ ОРТАЛЫҒЫНДА 200-ГЕ ЖУЫҚ ІС-ШАРА ҰЙЫМДАСТЫРЫЛҒАН

Өздеріңізге белгілі мәдениет саласының үздіктерін, еңбегі елеулі тұлғалармен жақынырақ таныстырып келген болатынбыз, ендігі кезекте қаламыздың мәдени орындары мен нысандары туралы тереңірек білетін боласыздар! Бүгін де көрме орталығы десе, көз алдымызға жиындар, арнайы көрмелер, мерекелік кештер өткізілетін әдемі орталық елестейді. Бірақ, бұл орталық туралы көпшілік кеңінен біле бермейтіні рас. Ендеше сіздерге нақтырақ таныстыра кетейік!
Көлемі 2 мың шаршы метрді алатын «Көрме» орталығы әкімшілік-іскерлік орталығы маңында орналасқан. Орталықтың негізгі қызметі мәдениет саласында көрмелер өткізуді қамтамасыз ету, халық-шаруашылық жетістіктері туралы білім мен ақпаратты насихаттау, тарату және жариялау болып табылады. 2013 жылы іске қосылған мекемеде түрлі үлкен дәрежедегі көрме жәрмеңкелер, бизнес-форумдар, конференция, семинарлар сынды 200-ге жуық іс-шаралар ұйымдастырылған.
Мекеме басшысы Қарабекова Зухра Әмзеқызы 2013 жылдан бері абыроймен қызмет атқаруда. Тынымсыз еңбегінің арқасында Б.Момышұлының «Батыр Шапағаты» медалінің иегері. Салалық мәдениет, спорт және ақпарат қызметкерлерінің кәсіподағы бірлестігінің «Еңбек даңқы» төсбелгісімен, ҚР Ішкі істер министрлігінің марапаттауы, ОҚО әкімінің және Шымкент қаласы әкімінің алғыс хаттарымен, ОҚО мәслихатының Құрмет грамотасы және білім және мәдениет саласында атқарған қызметі үшін көптеген алғыс хатармен марапатталған.
Ұйымшыл, бірлігі жарасқан ұжым арқасында «Көрме орталығы» жұмысы жанданып, ел игілігі үшін қызметін атқаруда.

Пікір қалдыру

Сіздің почтаңыз көрінбейді. Толтыру міндетті *

*