Жарнама жариялау құны: дайын материалды орналастыру – 30 мың теңге; 720х90 пиксельді баннер орналастыру – 140 мың теңге (30 күнге).
Главная » Қоғам » ЖЕҢІС КҮНІНЕ ОРАЙ ӘСКЕРИ-СПОРТТЫҚ САЙЫС ӨТТІ

ЖЕҢІС КҮНІНЕ ОРАЙ ӘСКЕРИ-СПОРТТЫҚ САЙЫС ӨТТІ

Шымкентте Әуе шабуылына қарсы қорғаныс әскерлерінің бригадасында әскери — спорттық эстафета өтті.
Отан қорғаушылар күні мен Жеңіс күні қарсаңында ұйымдастырылған іс-шараға әскери қызметшілердің отбасы мүшелері бастамашы болды. Мерекелік жарыс жалпы құрамның сапынан басталды.
Жиында сөз алған әуе шабуылына қарсы қорғаныс бригадасының командирі полковник Орынбасар Жұбанов сайыс қатысушыларына сәттілік тілеп, бүгінгі бейбіт өмір ардагерлеріміздің жеңісінің жемісі екенін айтып өтті.
– Біздің бейбіт аспанымыз, ардагерлеріміздің еңбегі. Олар ұрпақтарына бейбітшілік сыйлау үшін иықтарында өте үлкен ауырлықты көтерді. Біздің міндетіміз – оны сақтау үшін бәрін жасау. Сондықтан әрбір әскери қызметшінің борышы – әскери істе пайдалы болатын нәрселерді үйрену, — деді О. Жұбанов.
Спорттық сайыста 6 команда бақ сынасты. Олар эстафетада жүгіру, граната лақтыру, гір теуіп жүгіру, пневматикалық мылтықтан нысананы ату, зембілде жаралыларды тасымалдау және жүк көлігінің дөңгелегін көшіру тапсырмаларын орындады.
Мұндай әскери-спорттық жарыстар жеке құрамды шынықтыру деңгейін арттыру мен әскери ұжымдарда бірлікті нығайтуға ықпал етеді дейді ұйымдастырушылар.

Пікір қалдыру

Сіздің почтаңыз көрінбейді. Толтыру міндетті *

*