jetpisbai.kz Ұлы Дала жаңалықтары
Шымкент қаласында «Еңбек» мемлекеттік бағдарламасы арқылы жастарды жұмыспен қамту бағытында жүйелі жұмыстар жүргізілуде.
Бағдарламаның үшінші бағыты – жастар практикасы жоғары оқу орындары мен колледж түлектерінің меңгерген мамандығы бойынша бастапқы жұмыс тәжірибесін алу мақсатында ұйымдастырылған.
«Еңбек» мемлекеттік бағдарламасы аясында бүгінде жас түлектер жұмыспен қамтылып, еңбек тәжірибелерін арттыруда.
Сондай жастың бірі – Әділет Базарбай.
Жас маман «Радиотехника электроника және телекоммуникация» мамандығы бойынша колледжді бітіріп, жұмыспен қамту орталығында жұмыссыз ретінде тіркелген.
Мемлекеттік «Еңбек» бағдарламасы арқылы «Қазақтелеком» акционерлік қоғамы Оңтүстік аймақтық телекоммуникация дирекциясының филиалына жолданды. Осылайша жастар практикасы шеңберінде жұмыс тапқан маман жастарды бағдарламаға қатысуға шақырады.
Биыл Шымкент қалалық жұмыспен қамту орталығы тарапынан 2500 жасты аталған бағдарлама аясында жұмысқа орналастыру жоспарланған. Жастар практикасы бойынша тәжірибе жинақтап жүрген түлектерге 25 АЕК көлемінде жалақы төленеді. Жыл басынан бері 600-ден астам шымкенттік жас тәжирибеден өтуде.
