jetpisbai.kz Ұлы Дала жаңалықтары
ҚР Парламенті мәжілісінің депутаты К. Абасов жаңадан құрылған Сауран ауданына келіп, аудан әкімімен және Жүйнек, Қарашық ауылдық округтерінің әкімімен кездесу өткізді.
Қ.Абасов Сауран ауданына жасаған іс-сапары барысында «Тұран» шаруа қожалығының төрағасымен кездесті.
«Тұран» шаруа қожалығы мақтаның «Тұран» деген ерекше түрін өсіруді қолға алған. Мақтаның бұл түрі жылына 45-50 центнер өнім береді.
Кездесу барысында Қ. Абасов: «Мақтаның экспорттық тауар ретінде потенциалы өте жоғары. Мақта өсіруді дамытып, шаруаларға қолдау көрсету керек. Себебі, мақтаның сабағына дейін ақшаға айналдырып, пайданы өсіруге болады. Сондай-ақ, жіп өндірісін де қолға алу қажет»,- деді.
Шаруалар парламент мәжілісінің депутаты мен аудан әкіміне бірнеше ұсыныстар айтты. Атап айтсақ, шаруалардың көктемгі егіс науқанына дайындығына көмек ретінде мемлекет тарапынан жасалынатын қаржылай көмектер маусым, шілде айларында емес күз мезгілінде берілсе деген ұсыныс айтылды.
