jetpisbai.kz Ұлы Дала жаңалықтары
Сайрам ауданы, Көлкент ауылдық округінің әкімі Юлдашев Өткиржан Авазханұлы Сайрам ауданы әкімдігінде БАҚ өкілдерімен кездесіп, жыл басынан бері атқарылған жұмыстар бойынша брифинг өткізді.
Көлкент ауылдық округінде Ағымдағы жылы Көлкент ауылдық округі М.Оразалиев елді мекені Абай көшесіне жобалық сметалық құны -10 млн 399 мың теңгеге жаяу жүргіншілерге аяқ жол жөндеу жұмыстарына қаржы қаралып, баға ұсынысын сұрату тәсілімен өткізілген мемлекеттік сатып алу бойынша 5 млн 300 мың теңгеге «RS GROUP» мердігер мекемесі жеңімпаз атанып бүгінгі күнде жұмыстарын бастады, құрылыс жұмыстары тамыз айында аяқталуы жоспарда. Ақсуабад ауылы Қарабұлақ көшесіне көше жарықшамдарының жобалық сметалық құны – 8 млн 140 мың теңге қаржы қаралып, баға ұсынысын сұрату тәсілімен 3млн 450мың теңгеге жеңімпаз «Арынғазы» мердігер мекемесі құрылыс жұмыстарын аяқтады, жарықшамдарды қосуға әкімшілік тарапынан құжаттары рәсімделуде, деді баяндамасында Өткиржан Авазханұлы
Ауыл шаруашылық жерлерін цифрландыру бойынша егістік жерлер 3626,0 га жерден 2716 га электронды картаға енгізіліп, жоспар 75 % ға орындалған. Жайылымдық жер көлемі 1321 га жерден 593 га жер электронды картаға енгізіліп, жоспар 44,9 % ға орындалды. Көлкент ауылдық округі әкімі аппараты атына 100,0га жайылымдық жер учаскесі жер комиссиясының оң қортындысы алынып, жерге орналастыру жобасы ағымдағы жылдың шілде айында аяқталу күтілуде.
Міндетті әлеуметтік медициналық сақтандыру және өзектендіру жұмыстары бойынша 5200 адамды құрап, оның ішінен 347 адам БЖТ төлеген, 6,67% орындалған.
Инвест жобаға сәйкес Көлкент ауылдық округі Ханқорған елді мекенінде бүгінгі күнде толық 100 пайыз электр бағаналары жүргізілді, жаңа электр трансформаторы орнатылу күтілуде.
