jetpisbai.kz Ұлы Дала жаңалықтары
Түркістан облысы патрульдік полиция қызметкерлері қайырымдылық жасады, деп хабарлайды облыстық ПД баспасөз қызметіне сілтеме жасаған jetpisbai.kz ақпараттық агенттігі.
Облыстық Полиция Департаментінің бастығы полиция генерал-майоры Мұрат Қабденов, халық арасында ашықтықты қамтамасыз ету, полиция қызметкерлерінің оң имиджін қалыптастыру, жастарды патриоттық рухта тәрбиелеу және балаларға қамқорлық жасау сынды адами қасиеттерді бірінші орынға қойған.
Ал жеке құрам бас полицейдің тапсырмасын орындап, бастамаларына қолдау білдіруде.
Осы ретте Түркістан облысы Полиция Департаменті ЖПҚБ Патрульдік полиция батальонының қызметкерлері «Балаларды қорғау күні» қарсаңында Арыс қаласында орналасқан Адами әлеуетті дамыту басқармасының «Т. Тәжібаев атындағы Отбасы үлгісіндегі Балалар ауылына» арнайы барды.
Шараның басты мақсаты – «1 маусым – Балаларды қорғау күні» мерекесіне орай, балаларға қуаныш сыйлау. Полицейлер уақытпен санаспайтын жұмыстары болса да, балаларға кереметтей көңіл-күй сыйлауға асықты.
Негізінде полицейлер әрбір мерекеде осы мекемедегі жас достарын ұмытпай, жағдайларын сұрап келіп тұрады. Тәртіп сақшылары бұл жолы да әдеттегідей тұрмыста бірінші кезекте қажетті азық-түлік апарып, қайырымдылық іс-шарасын өткізді. Полицейлер уақытпен санаспайтын жұмыстары болса да, балаларға кереметтей көңіл-күй сыйлауға асықты.
Өз кезегінде ел қорғандарынан жылулық сезінген аталмыш ұйымның білім алушылары, мұғалімдері Түркістан облысы Полиция Департаментінің қызметкерлеріне өз ризашылықтарын білдірді. Тәрбиеленуші ұл-қыздар қонақтарға өнерлерін көрсетіп, ән шырқап, би биледі.
Осылайша Түркістан облысы Полиция департаменті ЖПҚ патрульдік полиция батальонының қызметкерлері қайырымдылық жасап, игі іс арқылы балаларды қуантып қайтты.
