jetpisbai.kz Ұлы Дала жаңалықтары
Қазығұрт аудандық полиция бөлімінің қызметкерлері жаңа оқу жылының басталуына орай, қауіпсіздікті қамтамасыз ету мақсатында жұмыстарды күшейтуде. Осы тұрғыда «Абайлаңыз, балалар!» атты жедел-профилактикалық іс-шарасын өткізуде. Полиция қызметкерлері ауданда орналасқан Т.Рысқұлов атындағы мектеп-лицейінің оқушыларымен кездесіп, оларға жолда жүру ережесін түсіндіруде.
Сонымен қатар мектеп оқушыларына жолда абай болу, қылмысқа, құқық бұзушылық пен теріс әрекетке бармау жайлы түсіндірме жұмыстарын жүргізді. Балаларға құқық бұзушылық пен қылмыс үшін заң алдында жауапты екендігін еске салды. Әртүрлі құқықбұзушылыққа бармауды қатаң ескертті. Қазіргі таңда Қазығұрт ауданы аумағында балалардың қауіпсіздігін бақылау күшейтілді. Бұндай шаралар алдағы уақытта да өз жалғасын табатын болады.
