jetpisbai.kz Ұлы Дала жаңалықтары
Түлкібас ауданының әкімі Нұрлан Байғұттың биылғы есептік кездесуіне Шақпақ ауылдық округі тұрғындары тарапынан көтерілген бұл өзекті мәселе өз шешімін тапты. Тұрғындардың өтінішіне сәйкес, көлік жылдамдығын арттыру салдарынан жол-көлік оқиғалары жиі орын алатын Шақпақ-баба ауылының ішінен өтетін А2 республикалық маңызы бар жолға «Сергек» аппараттық-бағдарламалық кешені орнатылды. Қазіргі таңда ортақ базаға қосу жұмыстары жүргізілуде. Енді бұл құрылғы ауылдың қақ ортасынан жарып өтетін күре жолдың шығысынан ортасына дейінгі 200 метр ара-қашықтықты бақылап отырады дейді мамандар. Көлік жылдамдығы 60 км/сағаттан асқан жағдайда көлік иесіне айыппұл түседі.
Сондай-ақ, тұрғындар тарапынан көтерілген жол қауіпсіздігін күшейту мақсатында осы аптада аудан аумағындағы мектеп орналасқан аудандық маңызы бар жол бойларына жол кедергілерін орнату жұмыстары іске аспақ.
