Жыл басында Шымкент қаласының әкімі Мұрат Әйтенов ҚР Президенті Қасым-Жомарт Тоқаевтың қабылдауында болып, үшінші мегаполистің былтырғы әлеуметтік-экономикалық даму көрсеткіштері бойынша есеп беріп, алдағы кезеңге арналған жоспарын таныстырды.
Қасым-Жомарт Тоқаев Мұрат Әйтеновке әлеуметтік мәселелерді шешу, қала тұрғындарының тұрмыс сапасын арттыру, сондай-ақ Шымкент қаласын одан әрі дамыту жөнінде бірқатар міндет жүктеді.
Мемлекет басшысының тапсырмасын орындау мақсатында Қаратау ауданының әлеуметтік-экономикалық дамуы, жол, инфрақұрылым, абаттандыру жұмыстары жоспарға сай атқарылуда.
Бүгін Шымкент қаласының әкімі Мұрат Әйтенов Қаратау ауданының тұрғындарымен кездесті, деп хабарлайды jetpisbai.kz. Шымкент қаласының сыртындағы шаруаларға су жеткілікті болуы үшін су ағатын каналдарды жөндеу, жаңарту бойынша құрылыс қарқынды жүруде. Ал қала ішіндегі микроклиматты жақсарту жұмыстары төрт кезеңге бөлініп атқарылмақ. Бұл туралы баспасөз брифингінде қалалық жайлы орта қалыптастыру басқармасының басшысы Ержан Жақсылықұлы мәлімдеді.
–Биылдан бастап каналдардың құрылысын қарқынды түрде жүргізіліп келеді. Өздеріңізге белгілі, Шымкентте 300 шақырымнан астам 34 канал бар. Оның құрылысын бір жылда аяқтау мүмкін емес. Сондықтан біз 5 жылдық жоспар бекітіп отырмыз. 2023-2028 жылдар аралығында кезең-кезеңімен каналдар бетондалып, құрылысы аяқталатын болады. Бүгінгі таңда екі канал пайдалануға беріліп, су беру көлемі 2,5 текше метрге ұлғайған. Жыл соңына дейін 34 каналдың 6-ның құрылысы бітсе, 7-еуі күрделі жөндеуден өтеді. Жалпы каналдардың бетондалуының нәтижесінде бұрынғыдай судың сіңіп кетуінен, төмен ағыспен келуінен арылып отырмыз. Ал қала ішіндегі микроклиматты жақсарту жұмысы төрт кезеңге бөлініп атқарылатын болады. Қалаға келетін БМК және Жаңа шек каналдарының бетондалған беті арқылы бірінші кезеңде Тәуке хан және Қазыбек би көшелерінің бойымен су жүргізіп көрмекпіз. Бұл жоспар жүзеге асатын болса, қаланың микробелдеуі 60-55 пайызға артады,–деді Е.Жақсылықұлы.
Сондай-ақ брифингте тұрмыстық қалдықтарды қайта өңдеу, қаладағы көпжылдық ағаштарды күтіп ұстау, көгалдандыру мәселелері жайында да жоспарларымен бөлісті. Биыл қыстың қатты болуына байланысты қаладағы біршама ағаштарға зиян келген. Атап айтсақ этносаябақтағы 5000-нан аса эльдар қарағайының 700-ін кесуге тура келген. Қалғандарын емдеу арқылы қалпына келтірмек. Ағаштардың қурауына климаттық өзгеріс себеп болған.
Айта кетейік, қоқыстарды зиянсыз қайта өңдеуге инвестор тарту мәселесіне де Шымкент қаласы басымдық беріп отыр. Бүгінде бұл салаға Қытай, Германия, Испания мемлекеттерінің инвесторлары қызығушылық танытқан. Қалдықтарды жерге көмбей, жағу арқылы электр энергиясын алу эколог мамандарының да назарын аударып отыр. Демек алдағы уақытта тұрмыстық қалдықтар да зиянсыз өңделетін болады.
jetpisbai.kz Ұлы Дала жаңалықтары
