jetpisbai.kz Ұлы Дала жаңалықтары
Шымкенттік полицейлер 6 сағаттан бері үйіне оралмаған жасөспірімді тауып, анасына тапсырды.
Ағымдағы жылы 18 наурыз күні 18:00 шамасында Әл-Фараби ауданы Полиция басқармасының учаскелік полиция пунктіне кәмелетке толмаған қызының үйінен шығып қайта оралмағанын туралы қала тұрғыны хабарлаған. Полицейлер дереу іздестіру шараларын ұйымдастырып, аумақты шолуды бастаған. Нәтижесінде сағат 23:00 шамасында Әл-Фараби ауданы Полиция басқармасы Жергілікті полиция қызметі ювенальдық полиция бөлімінің аға инспекторы, полиция капитаны Саттар Байсейітов тұрғын үйлердің бірінің ауласында жүрген жасөспірімді тауып, анасына табыстады. Полиция басқармасының ювеналды полиция қызметкерлері баланың анасымен түсіндіру жұмыстарын жүргізді. Табылған баланың ата-анасы Шымкент қаласы Полиция басқармасының қызметкерлеріне алғысын білдірді.
