jetpisbai.kz Ұлы Дала жаңалықтары
Aуданда автоматтандырылған газ тарату станциясы іске қосылды, – деп хабарлайды Jetpisbai.kz тілшісі Сарыағаш Ауданы әкімінің баспасөз қызметіне сілтеме жасап.
Енді осы станция арқылы елді мекендерді газдандыру жұмысы жанданбақ. Осы орайда аудан басшысы Арман Абдуллаев арнайы Дербісек ауылдық округіне барып, газ тарату станциясын іске қосу іс-шарасына қатысты.
Дербісек ауылдық округіндегі «Тоболино» АГТС нысанына мемлекеттен 770,0 млн қаржы бөлініп, құрылыс жұмыстары жүргізілген.
Былтыр қараша айында магистралды газ құбырына үрлеу, қысымдау жұмыстары жүргізіліп, 1 және 2 тармақ дәнекерлеу жұмыстары 21.05.2024 жылы аяқталып, Тоболино АГТС-на «Интергаз» магистралды құбырынан табиғи газ жіберілді.
Ендігі кезекте аталған АГТС-ке қарасты аталған елді мекендердің 4796 абоненті, қосымша 89 коммерциялық нысан, 15 әлеуметтік нысан және Ақжар ауылдық округінен 300 абоненті, Атамекен елді мекенінен 235 абоненті табиғи газға қол жеткізетін болады.
© Jetpisbai.kz
