jetpisbai.kz Ұлы Дала жаңалықтары
Кәсіпкерліктің дамуы ел экономикасының өсуіне, сол арқылы халықтың әл-ауқатының жақсаруына тікелей әсер етеді, – деп хабарлайды Jetpisbai.kz тілшісі Қазығұрт Ауданы әкімінің баспасөз қызметіне сілтеме жасап.
Мемлекетіміз тәуелсіздігін алғаннан бастап «капитализм» бағытын ұстанып, жеке кәсіпкерлік өте қарқынды дамып келеді. Сол арқылы отандық өнімдер пайда болып, ел экономикасы нығая түсуде. Бұл бағытта шағын және орта кәсіпкерлікті бастаушыларға, ірі кәсіпорындарға мемлекет тарапынан көрсетіліп жатқан көмектер мен қолдаулар да орасан.
Қазығұрт ауданында да соңғы жылдары кәсіпкерлік бағыты қарқынды дамуда. Осыны ескерген аудан әкімі Азизхан Исмаилов өзінің жұмыс жоспарына сәйкес, Қазығұрт ауыл округінде орналасқан, құрғақ құрылыс қоспаларының түрлерін өндірумен айналысатын «Суан» ЖШС-не арнайы барды. Атаулы кәсіпорында 5 адам жұмыс жасап, тәулігіне 10 тоннаға дейін өнім өндіреді.
Кәсіпкерлік нысан басында аудан әкімі Азизхан Азимханұлы кәсіпорын басшысы Нұрсұлтан Тастановпен кездесіп, жұмысына оң баға берді. Сондай-ақ, кәсіпорын аумағын кеңейтіп, өнімді ұлғайту керегін айтты. Бұл бойынша мемлекет тарапынан белгіленген көмектерді көрсетуге ықпал ететінін жеткізді.
© Jetpisbai.kz
