Түркістан облысында өндіріс орындарын ашу, инвестиция тарту жұмыстарына басымдық беріліп, осы бағытта жұмыстар жүріп жатыр, – деп хабарлайды Jetpisbai.kz тілшісі Түркістан облысы әкімінің баспасөз қызметіне сілтеме жасап.
![Возможно, это изображение 2 человека](https://scontent.fcit1-1.fna.fbcdn.net/v/t39.30808-6/452554793_8450908314919106_1941572845541309866_n.jpg?_nc_cat=108&ccb=1-7&_nc_sid=127cfc&_nc_ohc=jNNe-dGUD2UQ7kNvgEvGYDg&_nc_ht=scontent.fcit1-1.fna&oh=00_AYCyoLzn0OjYJreyQAZwPRayMIDb8QAK1rw4PVZmojsMaQ&oe=66A7B8F1)
Облыс әкімі Дархан Сатыбалды тұрақты түрде Өңірлік инвестициялық штаб отырыстарына төрағалық етіп, осы саладағы мәселелерді бақылауда ұстап отыр. Сонымен бірге шет мемлекеттердің инвесторларымен тұрақты түрде келіссөз жүруде. Нәтижесінде инвестиция тарту бойынша Түркістан облысы республикада үздіктер қатарынан табылып жүр.
Жыл басынан бері Түркістан облысының негізгі капиталына бағытталған инвестиция көлемі 420,8 млрд теңгені құрады. Көрсеткіш өткен жылдың тиісті кезеңімен салыстырғанда 1,4 есеге артқан. Оның ішінде, 344,3 млрд теңге немесе 80%-дан астамы – жеке инвестиция құрайды.
Өңір капиталына салынған инвестициялардың басым үлесі Түркістан қаласы (35,2%) және Созақ (15,4%), Сайрам (6%), Сарыағаш (5,5%) аудандарына тиесілі.
![Возможно, это изображение 5 человек и текст](https://scontent.fcit1-1.fna.fbcdn.net/v/t39.30808-6/452566272_8450908654919072_3832766673200245678_n.jpg?_nc_cat=100&ccb=1-7&_nc_sid=127cfc&_nc_ohc=WBv2Ula9d8IQ7kNvgEesgl_&_nc_ht=scontent.fcit1-1.fna&oh=00_AYA_Q4aBOK2lJ84pmVz2OvfcXvOBH9Caj_NhliR0XDRPBw&oe=66A7D7BE)
Пайдалану бағыты бойынша негізгі 29% үлесі өнеркәсіп арқылы үйлестірілген. Ол 123,9 млрд теңгені құрайды, Атап айтқанда, тау-кен өнеркәсібіне 64,1 млрд теңге бағытталса, өңдеу өнеркәсібіне 25,3 млрд теңге тартылған. Ауыл шаруашылығының үлесі 28%-ды құрап, 116,4 млрд теңгеге жетті. Оның ішінде, егін шаруашылығы – 31 млрд теңге, ал мал шаруашылығы – 21,4 млрд теңге.
© Jetpisbai.kz