ШЫМКЕНТТЕГІ «МҰЗ САРАЙЫ» МЕМЛЕКЕТ МЕНШІГІНЕ ҚАЙТАРЫЛДЫ
в Шымкент, Қоғам, Әлеумет
95 Просмотров
![](https://static.xx.fbcdn.net/images/emoji.php/v9/tf1/1/16/1f537.png)
Қаламыздың жанашыр тұрғындары “Мұз сарайының” тағдырына алаңдаулы. Себебі, бұл мегаполистегі қысқы спорт түріне бағытталған жалғыз орын, – деп хабарлайды Jetpisbai.kz тілшісі
Шымкент қаласы әкімінің баспасөз қызметіне сілтеме жасап.
![](https://static.xx.fbcdn.net/images/emoji.php/v9/tf1/1/16/1f537.png)
Қазіргі таңда қала әкімдігі тарапынан халық игілігі үшін бірқатар нысанды мемлекет меншігіне қайтаруда кешенді жұмыстар жүргізілуде. Олардың қатарында “Мұз сарайының” ғимаратына қатысты да іс шаралар бар.
![](https://static.xx.fbcdn.net/images/emoji.php/v9/tf1/1/16/1f537.png)
Нысан осыдан жеті жыл бұрын «Мұнай Құрылыс Сервис» ЖШС-не 128 миллион теңгеге сатылған. Жалпы сол кездегі ғимаратты бағалау құны 996 миллион теңге болған. Жеңімпазбен шарт жасалғанмен, келісімде нысанның бейінін сақтау көрсетілмеген.
![](https://static.xx.fbcdn.net/images/emoji.php/v9/tf1/1/16/1f537.png)
Осындай жәйттерді ескере келе қала прокуратурасы тексеру шараларын жүргізіп, мемлекеттік мүддеге қайшы ұйымдастырылған аукцион барысында бірқатар заң бұзушылықтарды анықтады. Қадағалау органы Шымкент қаласының ауданаралық мамандандырылған экономикалық сотына мемлекеттің үлесін сатып алу келісім-шартын жарамсыз деп тану туралы талап-арыз жолдаған болатын. Сот шешімімен прокуратураның арызы қанағаттандырылды. Осылайша, «Мұз сарайы» мемлекет меншігіне қайтарылды.
2024-07-27