jetpisbai.kz Ұлы Дала жаңалықтары
Биыл қазақтың ұлы ақыны, ойшылы, ағартушы-композитор Абай Құнанбайұлының туғанына 179 жыл толды, – деп хабарлайды Jetpisbai.kz тілшісі Төлеби Ауданы әкімінің баспасөз қызметіне сілтеме жасап.
Осы орайда «Абай» аллеясында ескерткішіне тағзым етіп, гүл шоқтары қойылды. Аудан әкімінің міндетін уақытша атқарушы Сержан Дүйсебаев жиналғандарды мерекемен құттықтап, тілегін білдірді. Аудандық орталықтандырылған кітапхана жүйесінде «Абайды оқимыз» жыр фестивалі ұйымдастырылып, онда оқырмандар ұлы ақынның өлеңдерін, қара сөздерін жатқа оқып, әндерін орындады.
Сондай-ақ, «Абайдың махаббат лирикасына 130» тақырыбында кітап көрмесі безендірілді. Жиын соңында үздік оқырмандарға алғыс хат пен сыйлықтар табысталды.
© Jetpisbai.kz
