jetpisbai.kz Ұлы Дала жаңалықтары
Жұмыс сапары бағдарламасы шеңберінде Денсаулық сақтау бірінші вице-министрі халықпен кездесулер, азаматтарды жеке қабылдау және тілшілердің қатысуымен брифинг өткізді, – деп хабарлайды Jetpisbai.kz тілшісі Шымкент Қаласының Денсаулық Басқармасының баспасөз қызметіне сілтеме жасап.
Қала тұрғындарымен кездесуде вице-министр бейінді мамандарға қолжетімділік, қызмет көрсету барысындағы өзгерістер мен
пациентке бағдарлануды қамтамасыз ету мақсатында 21 нормативтік-құқықтық актілердің жобаларын түсіндірді.
Сондай-ақ тұрғындармен кездесу барысында қалалық денсаулық сақтау басқармасының басшысы Нұрлыбек Асылбеков қаладағы медицина ұйымдарында атқарылған жұмыстарды баяндап, жоспарларға тоқталып өтті.
Тимур Сұлтанғазиев БАҚ өкілдеріне берген сұқбатта инфекциялық аурулардың эпид жағдайы бойынша және бейінді мамандарды қабылдау тәртібі мен медбикелердің жұмысындағы өзгерістер туралы сұрақтарына жауап берді.
Ал жеке қабылдау барысында азаматтар диспансерлік науқастарды дәрілік заттармен қамтамасыз ету, түрлі ұсыныстарын айтты.
Барлық айтылған өтініштер мен сұрақтарға бірінші вице-министр толық жауаптар мен түсініктемелер берді, бейінді департаменттерге жүгінген азаматтарға қажетті жәрдем көрсетуді тапсырды.
© Jetpisbai.kz
