jetpisbai.kz Ұлы Дала жаңалықтары
Шымкент қаласының денсаулық сақтау басқармасының алқа отырысы өтті, – деп хабарлайды Jetpisbai.kz тілшісі Шымкент Қаласының Денсаулық Басқармасының баспасөз қызметіне сілтеме жасап. Шымкент қаласы әкімінің бірінші орынбасары Қуаныш Асылов төрағалық еткен жиында басқарманың жеті айлық есебі, жұқпалы аурушаңдықтың эпидемиологиялық ахуалы және профилкатикалық егумен қамту туралы мен медициналық сақтандыру және онкологиялық көмектің есебі тыңдалды.
Қалалық денсаулық сақтау басқармасының басшысы Нурлыбек Асылбеков 7 айдағы жұмыс қорытысын баяндап, жоспарларға тоқталып кетті.
“Медициналық ұйымдардың ұлттық аккредитациядан өтуі 48,7%-ды құрады. Денсаулық сақтау жүйесін цифрландыруды ұлғайту мақсатында Шымкент қаласының медициналық ұйымдарында 5 пилоттық жоба жұмыс жасауда. Қазіргі таңда әрбір медициналық ұйым 2024 жылға жоспарлаған даму жоспары шеңберінде барлық шығыстарын оңтайландыру бойынша жүргізіп қайта нақтылау жұмыстарын жүргізді. Сонымен қатар басқарма тарапынан медициналық ұйымдардың қаржылық тұрақтылығын қамтамасыз ету үшін аймақтық жоспары бекітілді” -деді Н. Асылбеков.
Айта кетейік,алқа отырысына қаладағы мемлекеттік және жеке меншік медициналық ұйымдардың, аудандық санитариялық-эпидемиологиялық бақылау басқармаларының бірінші басшылары қатысты.
Жиын соңында Қуаныш Жұмабекұлы МӘМС, эпидемиялогиялық ахуал, көрсеткіштер бойынша проблемалы мәселерге тоқталып,жүйелі жұмыс жасауды тапсырды.
© Jetpisbai.kz
