jetpisbai.kz Ұлы Дала жаңалықтары
Сайрам ауданы Төтенше жағдайлар басқармасы «Тұрғын үйлердегі өрт қауіпсіздігін сақтау» челленджін Сауран ауданы Төтенше жағдайлар бөліміне жолдайды, – деп хабарлайды Jetpisbai.kz тілшісі Сайрам Ауданы әкімінің баспасөз қызметіне сілтеме жасап. Шара барысында төтеншеліктер аудандағы тұрмыс жағдайы төмен отбасылардың баспаналарына арнайы барды. Аралау барысында тұрғын үйлеріндегі өрт қауіпсіздігі кемшіліктерін тексерді.
– «Көп жағдайда жеке тұрғын үйлерде қызыл жалын тұрмыстық электр және газ аспаптарын пайдалану кезінде өрт қауіпсіздігі ережелерін бұзғандықтан, сымдардың қысқа тұйықталуынан, пештердің қысқы кезеңге дұрыс дайындалмауынан орын алады. Міне, біз бүгін челлендж шеңберінде осы жәйттарды анықтап, қауіпсіздік қағидалары туралы тиісті түсіндірмелер бердік. Аталған профилактикалық шара аудан аумағындағы алапат өрттердің алдын алу мақсатында жүргізіліп жатыр. Тұрғын үйлердегі жылыту жүйелерінде тілсіз жаудың туындауына тосқауыл болу — біздің басты борышымыз», — дейді төтеншеліктер.
Мұржаларды тексеріп, тазартуды негізгі міндеті санайтын төтенше жағдай мамандарының бұл ісіне ауыл тұрғындары шынайы алғыстарын айтты.© Jetpisbai.kz
