jetpisbai.kz Ұлы Дала жаңалықтары
Түркістан облысы Полиция департаменті жергілікті полиция қызметі басқармасы мен отбасылық-тұрмыстық зорлық-зомбылық құрбандарына арналған дағдарыс орталығының ұйымдастыруымен «Ашық есік» күні өтті.
Әйелдерді зорлық-зомбылықтан қорғау тобының аға инспекторы Жанар Қалабаева мен орталық басшысы Ербол Мырзабайұлының қатысуымен өткен «Ашық есік» күнінде өмірдің қиын жағдайына душар болған әйелдерге құқықтық және психологиялық көмектер көрсетілді.
Іс-шара барысында 12 әйелге құқықтық және психологиялық көмек көрсетілсе, отбасылық-тұрмыстық зорлық-зомбылық құрбаны болған көп балалы 2 ана дағдарыс орталығына орналастырылды.
Егер де сіз қандай да бір зорлық -зомбылықтың құрбаны болып,не болмаса куәгері болған жағдайда, тез арада «102» не болмаса «111» сенім телефоны нөміріне хабарласып, көмек алуға болатындығын назарларыңызға саламыз!
