jetpisbai.kz Ұлы Дала жаңалықтары
Түркістан облысының білім басқармасының «Арыс қаласының білім бөлімі» мемлекеттік мекемесіне қарасты «С.Адамбеков атындағы жалпы білім беретін мектеп» коммуналдық мемлекеттік мекемесінде 2024 жылдың 5 қараша күні «Зорлық — зомбылыққа қарсы 16 күн» науқаны аясында жоғары сынып оқушыларымен арнайы мамандар кездесу ұйымдастырды.
Кездесу мақсаты — әйелдерге қатысты зорлық-зомбылықты болдырмауға және жолын кесуге, ана мен баланы қорғауға, қоғамдағы отбасының оның ішінде әйел-ананың рөлін нығайтуға, сондай-ақ отбасылық құндылықтарды насихаттауға бағытталған, мемлекеттің қабылдап жатқан шаралары туралы халыққа кеңінен таныстыру болып табылады.
Жиынға ардагерлер кеңесінің жанынан құрылған «Әжелер» алқасының мүшесі Фарида Куатбекова әжеміз, Арыс ауданы бойынша әйелдерді зорлық-зомбылықтан қорғау жөніндегі инспекторы Айжан Мырзахметова, Арыс аудандық орталық ауруханасының акушер-гинекологы Гүлжан Сурымбаева, Білім бөлімінен педагог психолог Балжан Момункулова, Сервистік полиция психологі Перизат Имашевa қатысты.
Отбасылық-тұрмыстық зорлық-зомбылық туралы Заң, шын мәнінде, мемлекеттің теңдік пен заң үстемдігі қағидаттарына басымдық беретінін, құқықбұзушылыққа мүлдем төзбеушілікті қалыптастыратынын көрсетеді.
Отбасылық-тұрмыстық зорлық-зомбылық туралы заң мыңдаған әйелді абъюзивті қарым-қатынастан шығуға итермелейді, оларға құқықтық қауіпсіздік пен қашуға мүмкіндік береді. Сондай-ақ әйелдерге өмір сүруге және озбырлықтан арылуға көмектеседі.
Отбасылық-тұрмыстық зорлық-зомбылық туралы заң әйелдерге қатысты зорлық-зомбылық көрсеткені үшін жазалау шараларын күшейтеді.
