jetpisbai.kz Ұлы Дала жаңалықтары
Түркістан облысының білім басқармасының «Арыс қаласының білім бөлімі» мемлекеттік мекемесіне қарасты «С.Сейфуллин атындағы жалпы білім беретін мектеп» коммуналдық мемлекеттік мекемесінде 2024 жылдың 4 қараша күні «Зорлық — зомбылыққа қарсы 16 күн» науқаны аясында жоғары сынып оқушыларымен арнайы мамандар кездесу ұйымдастырды.
Акцияның мақсаты — әйелдерге қатысты зорлық-зомбылықты болдырмауға және жолын кесуге, ана мен баланы қорғауға, қоғамдағы отбасының оның ішінде әйел-ананың рөлін нығайтуға, сондай-ақ отбасылық құндылықтарды насихаттауға бағытталған, мемлекеттің қабылдап жатқан шаралары туралы халыққа кеңінен таныстыру болып табылады.
Жиынға ардагерлер кеңесінің жанынан құрылған Әкелер мектебінің төрағасы Иман Қалиев атамыз , «Әжелер» алқасының мүшесі Фарида Куатбекова әжеміз, Арыс ауданы бойынша әйелдерді зорлық-зомбылықтан қорғау жөніндегі инспекторы Айжан Мырзахметова, Арыс аудандық орталық ауруханасының акушер-гинекологы Гүлжан Сурымбаева, Білім бөлімінен әдіскер Ақжарқын Кенжебаева, Сервистік полиция психологі Перизат Имашева қатысты.
Қазіргі қоғамның басты міндетінің бірі – бала құқығын қорғау, зорлық-зомбылыққа қарсы күрес жүргізу. Отбасындағы зорлық-зомбылық мәселесі, балалар арасындағы зорлық-зомбылық мәселесі туралы сөз қозғалып, талқыланды.
