jetpisbai.kz Ұлы Дала жаңалықтары
Әйелдерге қатысты кемсітушіліктің барлық нысандарын жою және алдын алу мақсатында, Мақтаарал аудандық полиция бөлімі тарапынан, мүдделі мемлекеттік органдардың, үкіметтік емес ұйымдардың өкілдерін, жұртшылықты және бұқаралық ақпарат құралдарын тарта отырып, «Зорлық-зомбылыққа қарсы 16 күн белсенділік» акциясы өткізілуде.
Іс-шараның мақсаты, елді мекендерде халықты осы салада қабылданып жатқан шаралар туралы хабардар етуге және жәбірленушілерге қатысты зорлық-зомбылық қолданылған жағдайда зардап шеккендердің іс-қимыл алгоритмі туралы, сондай-ақ отбасылық-тұрмыстық саладағы құқық бұзушыларды заңнамалық өзгерістермен таныстыруға бағытталған көшпелі іс-шараларды ұйымдастыру болып табылады.
Осыған орай, Мақтаарал аудандық полиция бөлімінің басшылығымен және “Жастар ресурстық орталығының” ұйымдастыруымен тұрмыстық зорлық-зомбылықтың жолын кесу бойынша, дөңгелек үстел отырысы ұйымдастырылып өткізілді.
Жиын барысында, ағымдағы жылдың осы мерзіміне дейін, аудан аумағында, 200-ге жуық отбасы тұрмыстық қатынастар аясындағы құқыққа қарсы құқық бұзушылықтар тіркелгенін ескеріп, тұрмыста құқық бұзушылық жасауға бейім адамдарды, сондай-ақ жайсыз отбасыларды тұрғылықты жері бойынша біргелікте тексеріп, жайсыз және қиын жағдайға тап болған отбасыларға кешенді көмек көрсету мәселелері талқыланды.
