СОЗАҚ: «ЗОРЛЫҚ-ЗОМБЫЛЫҚҚА ҚАРСЫ 16 КҮН» БЕЛСЕНДІЛІК РЕСПУБЛИКАЛЫҚ АКЦИЯСЫ ЖАЛҒАСУДА

Мерекелік кеш және «Толағай» отбасылық сайыс түрінде өткен семинарға, Созақ ауданының білім бөлімінің әдістемелік кабинетінің психология бойынша әдіскері Жансая Ерденова, «Созақ үні» газетінің тілшісі Данияр Бек, Созақ ауданының бас имамы Абдіқұлов Мейрамбек, батагөй қария Имашов Өтепбай ата және ата-аналар қатысты. Сонымен қатар, «Созақ серілері» әншілер тобы қонақ ретінде келіп, өз өнерлерін паш етті.

Оқушылар керемет өнер көрсетіп, еркін, нақты, креативті пікірлерін жеткізді.

«Зорлық зомбылыққа қарсы 16 күн» белсенділік республикалық акциясының комиссия мүшелері, кеш қонақтары тренинг соңында ой-пікір білдіріп, іс-шара барысында қатысушылармен кері байланыс жасап қорытындылады.

«Бақытты отбасы – бақытты ел» ұранымен қолға алынған іс-шара шеңберінде сонымен қатар Әйелдерге қатысты Халықаралық зорлық-зомбылық көрсетуді жою күні аталып өтіледі. Бүгінде үл­кен күшке, маңызды іс-шараға ай­налған науқанның бас­ты көздегені – ана мен баланы қор­ғау. Акция аясында әйелдерге қа­тыс­ты зорлық-зомбылықтың алдын алу, қоғамдағы отбасы құн­дылығын арттырып, қыз-келін­шектердің құқықтық сауат­тылығын арттыру және отба­сында зорлық-зомбылық жа­сауға бейім адамдармен жеке про­фи­лактикалық жұмыс жүргізуге баса назар аударылады.

«Әйелдерге қатысты зорлық-зомбылықсыз 16 күн» акциясы отбасында қыз-келіншектерге қатыгездік көрсету, күш қолдану, жәбірлеу, тіл тигізу, ар-намысын таптау секілді қоғамдық резонанс тудыратын қылмыстардың әлеуметтік, психологиялық, тұрмыстық түйінін шешуге бағытталған.

Сон­дықтан да рес­публика бойын­ша жыл сайын дәстүрлі түрде өткі­зілетін бұл іс-шараға тек мүдделі мемлекеттік, үкіметтік органдар емес, бүкіл жұртшылық, БАҚ, үкіметтік емес ұйым өкілдері, қоғам белсенділері бір кісідей атсалысып келеді.