jetpisbai.kz Ұлы Дала жаңалықтары
Ордабасы ауданында ұлтаралық татулық пен қоғамдық келісімді нығайту мақсатында 6 ауыл округінің орталығында ауыл тұрғындарымен кездесулер ұйымдастырылды. Іс-шара аудан әкімдігінің қолдауымен және ішкі саясат бөлімі мен қоғамдық кеңестің бірлескен жоспарлары аясында жүзеге асырылды.
Кездесулер барысында тұрғындармен еліміздегі ұлтаралық тұрақтылықты сақтаудың маңыздылығы, Қазақстан халқы Ассамблеясының рөлі, түрлі этнос өкілдерінің бейбіт өмір сүруі жөнінде пікір алмасулар өтті. Жергілікті ақсақалдар мен ардагерлер, білім беру және мәдениет саласының өкілдері татулықты сақтаудың тарихи маңызына тоқталды.
Аудан әкімдігі өкілдері кездесулер барысында тұрғындардың ұсыныс-пікірлерін тыңдап, бірлік пен ынтымақтастықты одан әрі арттыру бойынша нақты жоспарлармен бөлісті.
Ұлтаралық келісімді сақтау – тек мемлекеттік саясаттың емес, әр азаматтың ортақ жауапкершілігі екені баса айтылды.
© Jetpisbai.kz
