jetpisbai.kz Ұлы Дала жаңалықтары
Қазығұрт ауданы әкімінің міндетін уақытша атқарушы Мұхаммедғали Әшірбаев тұрғындармен жеке кездесіп, олардың мәселелеріне құлақ түрді,– деп хабарлайды Jetpisbai.kz тілшісі.
Қоғамдық қабылдау барысында азаматтар түрлі әлеуметтік, экономикалық және тұрмыстық мәселелер бойынша өтініштерін білдіріп, тиісті жауаптар алды. Бұл қабылдау халық пен билік арасындағы ашық әрі тікелей байланысты нығайтуға бағытталған маңызды алаңға айналды.
Қоғамдық қабылдауға келген аудан тұрғындары инфрақұрылым мәселелері, әлеуметтік көмектер, жер қатынастары және жұмыспен қамту сияқты маңызды тақырыптар төңірегінде сұрақтар қойды. Әсіресе ауылдық жерлерде ауызсу, жол сапасы, медициналық қызметтердің қолжетімділігі, білім беру мекемелеріндегі жағдайлар сынды мәселелер жиі көтерілді.
Қабылдауда әрбір өтініш жан-жақты қаралып, мәселенің шешілу жолдары талқыланды. Мұхаммедғали Әшірбаев азаматтардың сұрақтарына толық әрі нақты жауап беріп, көтерілген мәселелер бойынша тиісті шаралар қабылдау қажеттігін атап өтті. Оның айтуынша, барлық ұсыныстар аудан әкімдігі тарапынан егжей-тегжейлі зерделеніп, шешім қабылдау үшін қажетті мемлекеттік органдарға жолданып, заң аясында тиісті жұмыстар атқарылатын болады.
Аудан әкімінің міндетін уақытша атқарушы М. Әшірбаев өз сөзінде халықпен ашық диалогтың маңыздылығына ерекше тоқталып, мұндай кездесулер тұрғындардың проблемалары мен ұсыныстарына дер кезінде жауап беруге мүмкіндік алатын тиімді алаң екенін атап өтті. Сондай-ақ, ауданның әлеуметтік-экономикалық дамуын қамтамасыз ету және тұрғындардың тұрмыс сапасын жақсарту мақсатында халықпен тұрақты байланыс орнату аса маңызды екенін жеткізді.
Қабылдауға қатысқан азаматтар аудан әкімінің м.у.а. М. Әшірбаевқа ризашылықтарын білдіріп, өздеріне қажетті ақпарат пен нақты түсіндірмелер алғандарын айтты. Көпшілігі өз мәселелерін жеке-жеке талқылауға мүмкіндік алғандарына қуанышты екендерін жеткізді. Мәселен, бірқатар тұрғындар ауыл ішіндегі көше жарықтарын орнату және ауызсу жүйесін қайта құру қажеттігін көтеріп, бұл мәселелерді шешу үшін билік тарапынан қолдау күтетіндерін білдірді.
Аталған қоғамдық қабылдау тұрғындар мен мемлекеттік қызметкерлер арасындағы байланысты нығайтуға бағытталған кезекті маңызды шара болды. Қабылдауға аудандық ішкі саясат бөлімі, тұрғын үй-коммуналдық шаруашылық бөлімі, әлеуметтік қолдау бөлімі, білім беру саласының өкілдері, аудандық полиция бөлімі және басқа да жауапты мемлекеттік органдардың мамандары қатысты.
Қоғамдық қабылдау кезінде азаматтар өз мәселелерін тиісті мамандармен тікелей талқылап, нақты шешімдер алу мүмкіндігіне ие болды. Бөлім басшылары әрбір мәселені тереңінен зерттеп, қажет болған жағдайда жергілікті деңгейде шешімдер қабылдауға уәде етті.
© Jetpisbai.kz
