jetpisbai.kz Ұлы Дала жаңалықтары
«Кітап оқу — ұлттар арасындағы көпір» атты халықаралық конференция аясында Қазақстан мен Өзбекстан арасындағы мәдени байланыс пен рухани сабақтастықты нығайтуға бағытталған мазмұнды кездесу өтті.
Іс-шара барысында Хафиза Гафуровна Құдратова құттықтау сөз сөйлеп, кітапхана саласындағы халықаралық ынтымақтастықтың маңыздылығына тоқталды. Сонымен қатар, С. Шукруллаев мұндай игі бастамалардың елдер арасындағы достық пен өзара түсіністікті арттырудағы рөлін атап өтті.
Жиында Жанат Сәдібекқызы сөз алып, кітап пен білімнің халықтарды жақындастыратын маңызды рухани көпір екенін айтып, ортақ мәдени құндылықтарды дәріптеудің мәніне назар аударды.
Конференция аясында Жызақ облыстық ақпараттық-кітапхана орталығы мен Түркістан облыстық «Фараб» әмбебап ғылыми кітапханасы арасында ынтымақтастық туралы меморандумға қол қою рәсімі өтті. Аталған құжат алдағы уақытта тәжірибе алмасу, бірлескен жобаларды жүзеге асыру және мәдени-гуманитарлық байланыстарды кеңейтуге мүмкіндік береді.
Қатысушылар облыстық ақпараттық-кітапхана орталығының жұмысымен танысып, кітапхана саласындағы заманауи мүмкіндіктерді көрді. Сондай-ақ, республикадағы ақпараттық-кітапхана орталықтарының қызметімен танысу мақсатында Арнасай және Достық аудандарының ақпараттық-кітапхана орталықтарына арнайы сапар ұйымдастырылды.
Халықаралық жиынға Нурали Холбутайевич Қобулов пен Абдуманноп Абдулазизович Зияев қатысып, әдебиет, мәдениет және ғылым салаларындағы халықаралық ынтымақтастықты дамыту жөніндегі ой-пікірлерімен бөлісті.
Кеш аясында ұлттық мәдени орталық өкілдерінің концерттік бағдарламасы ұсынылып, жас шығармашыл жастардың көркем-музыкалық өнері көпшілік назарына ұсынылды. Бұл мәдени бағдарлама іс-шараның мазмұнын толықтырып, рухани маңызын арттыра түсті.
Сонымен қатар, делегация мүшелері Жызақ қаласының көрікті жерлерін аралап, өңірдің тарихи-мәдени нысандарымен танысты. Аталған халықаралық конференция кітап арқылы халықтар арасындағы достықты, бауырластықты және мәдени ықпалдастықты нығайтқан маңызды рухани кездесу ретінде өз мәресіне жетті.
Конференция барысында жас кітапханашылар мен студенттерге арналған арнайы тренингтер ұйымдастырылып, олар халықаралық жобаларға қатысу, мәдени ақпарат алмасу және кітапхана саласындағы заманауи технологияларды қолдану тәжірибесімен таныстырылды. Мұндай шаралар жас мамандардың кәсіби шеберлігін арттыруға ғана емес, болашақта халықаралық деңгейде серіктестік орнатуға мүмкіндік береді.
Сонымен қатар, кездесу аясында екі елдің әдебиетшілері мен мәдениет саласының мамандары арасында дөңгелек үстел өткізілді. Онда кітап шығару, аударма ісі, ортақ мәдени жобалар мен жастар арасында рухани құндылықтарды насихаттау тақырыптары талқыланып, тәжірибе алмасу мен бірлескен шығармашылық бастамаларды жүзеге асыруға нақты ұсыныстар жасалды.
