jetpisbai.kz Ұлы Дала жаңалықтары
Созақ ауылдық модельді кітапханасында “Кітап Тime” фестивалі аясында “Кітаппен өткен әр сәт — өміріңе сәуле” атты ашылу салтанаты өтті.
Кітап – адамзаттың рухани байлығы, білім мен тәрбиенің сарқылмас қазынасы. Оқырмандардың кітапқа деген қызығушылығын арттыру, кітап оқуды насихаттау және жас ұрпақтың рухани дүниесін байыту мақсатында ұйымдастырылған фестивальдің ашылуы ерекше әсерге толы болды.
Фестивальдің ашылу салтанатын Созақ аудандық мәдениет үйінің директоры Абылай Бегалыұлы ашып, жиналған қауымды кітап мерекесімен құттықтады. Өз сөзінде кітаптың адам өміріндегі орны мен рухани дамудағы маңызына тоқталып, барша оқырман қауымды кітап оқуға, білімін толықтыруға және кітап оқу марафонына белсене қатысуға шақырды.
Қазақстан Республикасының Президенті Қасым-Жомарт Тоқаевтың «Кітап оқитын ұлт қалыптастыру» идеясын жүзеге асыру жобасы аясында оқырмандарға тағылымы мол, мазмұны терең кітаптарға шолу жасалып, кітаптың адам өміріндегі маңызы кеңінен насихатталды.
Кітап – білімнің бұлағы, Кітап – руханияттың шамшырағы, Кітап – жарқын болашақтың бастауы!
Осындай игі бастамалар Созақ ауданында кітап оқу мәдениетін қалыптастырып, тұрғындардың білім мен руханиятқа деген қызығушылығын арттыруға ықпал етеді. Кітап арқылы адам өз білімін жетілдіріп қана қоймай, ой-өрісін кеңейтіп, өмірге деген көзқарасын қалыптастырады.
Бүгінде кітапхана – тек кітап сақталатын орын емес, оқырман мен қоғамды білім, мәдениет және шығармашылық бағытта тоғыстыратын маңызды рухани орта. Мұндай мәдени шаралар тұрғындардың бос уақытын тиімді өткізуіне, жаңа дүниелерді танып-білуіне және өзара тәжірибе алмасуына жол ашады.
Әсіресе жас ұрпақтың кітапқа жақын болуы – елдің болашағы үшін маңызды. Өйткені білімге ұмтылған, ізденістен жалықпайтын және шығармашылыққа бейім жастар қоғамның дамуына өз үлесін қоса алады.
Созақ ауданында ұйымдастырылып отырған кітапқа қатысты мәдени-ағартушылық шаралар азаматтардың белсенділігін арттырып, жасампаздыққа бастайтын жақсы дәстүрлердің қалыптасуына негіз болуда. Білім мен мәдениетке басымдық беру – өркениетті қоғам құрудың берік негіздерінің бірі.
Кітап оқу арқылы әр адам жаңа идеяларға жол ашып, өзін-өзі дамытуға мүмкіндік алады. Сондықтан кітапты күнделікті өмірдің ажырамас бөлігіне айналдыру, білімге құштарлықты қолдау және ізденіске ынталандыру – ортақ мәдени құндылығымыз болуы тиіс.
«Кітап тайм» фестивалі барша кітапсүйер қауымға көтеріңкі көңіл-күй сыйлап, кітап әлеміне қызықты саяхат жасауға мүмкіндік берді.
Кітап оқиық, рухани бай болайық!
