Жарнама жариялау құны: дайын материалды орналастыру – 30 мың теңге; 720х90 пиксельді баннер орналастыру – 140 мың теңге (30 күнге).
Главная » Cаясат » ШЫМКЕНТ ҚАЛАСЫНЫҢ ӘКІМІ ЖАЛПЫХАЛЫҚТЫҚ РЕФЕРЕНДУМДА ДАУЫС БЕРДІ

ШЫМКЕНТ ҚАЛАСЫНЫҢ ӘКІМІ ЖАЛПЫХАЛЫҚТЫҚ РЕФЕРЕНДУМДА ДАУЫС БЕРДІ

Бүгін Конституциямызға енгiзiлетiн өзгерістер бойынша жалпыхалықтық референдум өтуде. Шымкентте 311 сайлау учаскесі таңғы сағат 7-ден бастап жұмысын бастады. Қала әкімі Мұрат Дүйсенбекұлы Әйтенов жалпыхалықтық референдумға қатысып, өз таңдауын жасады, деп хабарлайды Шымкент қаласы әкімдігінің баспасөз қызметіне сілтеме жасаған jetpisbai.kz ақпараттық агенттігі.

— Бүгін Қазақстан халқы үшін аса маңызды күн. Конституцияны өзгерту жөніндегі референдум арқылы еліміз дамудың жаңа кезеңіне қадам басқалы отыр. Жергіліктi биліктің міндеті — референдум учаскелерін қалыптастырып, олардың жұмыс істеуіне қолайлы жағдай жасау. Қала әкімдігі тарапынан бұл міндет толығымен орындалды, —деді қала әкімі М.Д.Әйтенов.

Қазiргi таңда қалада 631 133 сайлаушы тіркелген. Дауыс беруге құқылы азаматтар түрлі құралдар арқылы референдумға шақырылған. Ал, өздігінен келуге мүмкіндігі жоқ азаматтарға жылжымалы жәшіктер ұйымдастырылған. Сонымен бірге, инватаксилер мүгедектігі бар азаматтарды тасымалдау қызметін атқарып жатыр.

Шаһарда референдум барысын бақылау үшін қоғамдық ұйымдардың өкілдеріне жағдай жасалған. Байқаушылар кез келген учаскеге тіркеліп, референдум барысын бақылауда. Бұл бағытта халықаралық байқаушылар да жұмыс істеуде.

Мемлекет басшысының референдум өткізу туралы бастамасына қолдау бiлдiрген жеке транспорт компаниялары қала тұрғындарын қоғамдық көлікпен тегін тасымалдауда.

Айта кетейiк, бүгін халық дауыс беру арқылы еліміздің басты құжаты Конституцияның 33 бабына 56 өзгеріс енгізу туралы дауыс беруде.

Айта кетейiк, бүгін халық дауыс беру арқылы еліміздің басты құжаты Конституцияның 33 бабына 56 өзгеріс енгізу туралы дауыс беруде.

Шымкент қаласында 317 референдум комиссиясы жұмыс істейді. Оның 1-еуі қалалық — аумақтық, 4-еуі аудандық — аумақтық және қалған 312-сі учаскелік референдум комиссиялары.

Фото Береке Сейітжаппар

Пікір қалдыру

Сіздің почтаңыз көрінбейді. Толтыру міндетті *

*