jetpisbai.kz Ұлы Дала жаңалықтары
Жетісай ауданының әкімі Серік Мамытов пен аудандық мәслихат төрағасы Медет Қасымов 2037 әскери бөлімінде болып, шекарашыларды «7 мамыр – Отан қорғаушылар күні» және «9 мамыр – Ұлы Жеңістің 79 жылдығы» мерекелерімен құттықтады, деп хабарлайды облыс әкімінің баспасөз қызметіне сілтеме жасаған jetpisbai.kz ақпараттық агенттігі.
Темірдей әскери тәртіп пен жылдамдықты, шыдамдылық пен отансүйгіштікті, алғырлық пен жауапкершілікті бір арнаға тоғыстырған мамандық иелерінің тыныс-тіршілігімен, қару-жарақтарымен және әскери техникалардың жай-күйімен танысты. Сонан соң жеке құраммен кездесіп, мерекемен құттықтады.
«Отанді сүю – иманнан» деген аталы сөз ұлттың амандығын, елдің тыныштығын сақтауда ат үстінде ұйықтамай ұлтына қорған болатын өздеріңіздей азаматтарға қарата айтылған болса керек. Баршаңызды «7 мамыр – Отан қорғаушылар күні» және «9 мамыр – Жеңіс күні» мерекелерімен шын жүректен құттықтаймын! Еліміздің Ұлттық қауіпсіздігін қамтамасыз етіп, ұлан-ғайыр мемлекеттік шекарамызды қорғауда еңбектеріңіз орасан.
Сіздердің қиын да абыройлы, жауапкершілігі мол істеріңізге табыс, мықты денсаулық, қажымас қайрат тілеймін! Жауапты қызметтеріңізде қашан да табыстан табысқа жете беріңіздер! Еліміз аман, шекарамыз тыныш болсын!» деген аудан басшысы бірқатар шекарашыларға өз атынан алғыс хаттар табыс етті.
Шара соңында 2037 әскери бөлімінің бастығы Серік Үсенұлын Қазақстан Республикасы Ұлттық қауіпсіздік комитеті Шекара қызметі Түркістан облысы бойынша департаментінің алғыс хатымен марапаттады.
