Шымкенттік шаруаларды мемлекеттік қолдау шаралары жалғасып жатыр

Қазақстан Республикасы Президентінің «ӘДІЛЕТТІ МЕМЛЕКЕТ. БІРТҰТАС ҰЛТ. БЕРЕКЕЛІ ҚОҒАМ» атты Қазақстан халқына Жолдауында «Ауыл шаруашылығын дамыту – негізгі проблеманың бірі.  Осы саладағы ахуал мемлекетіміздің азық-түлік қауіпсіздігіне тікелей әсер етеді. Еліміздің ауыл шаруашылығы өнімдерінің көлемін және оның қосымша құнын арттыру қажет», деген болатын.

Шымкент қаласының аумағында мал шаруашылығы саласы қарқынды дамып келеді. Осы орайда, шымкенттік шаруаларға мемлекеттік қолдау шаралары жалғасып келеді. Атап өтетін болсақ, 2022 жылы 1 074,0 миллион теңгеге 48 ауыл шаруашылығы тауар өндірушілерінен келіп түскен 393 өтінімге сәйкес субсидиялар берілген болса, 2023 жылға жергілікті бюджеттен жалпы 1 071,8 миллион теңге қаралды.

Субсидиялау бағыттары бойынша берілетін қаржы көлемі:

Етті мал шаруашылығы

— Асыл тұқымды мал сатып алуға 150 000-300 000 теңге;

— Бордақылау алаңдарына өткізілген бұқашыққа 200 теңге (1 кг тірі салмағына);

— Асылдандыру жұмысына жылына 1 басқа 10 000 теңге;

— Жұмсалған мал азығына 1 басқа 35 000-50 000 теңге.

Сүтті мал шаруашылығы:

— Асыл тұқымды мал сатып алуға 200 000-400 000 теңге;

— Өндірілген сүттің 1 кг 20 теңге

— Асыл тұқымды ұрық сатып алу 5 000-10 000 теңге дозасы;

— Жұмсалған мал азығына 1 басқа 35 000-70 000 теңге

Жылқы, түйе, шаруашылығы:

— Асыл тұқымды мал сатып алуға 100 000 теңге;

— Өндірілген сүттің 1 кг 60 теңге;

— Жұмсалған мал азығына 1 басқа 30 000 теңге

Құс шаруашылығы:

— Асыл тұқымды тәуліктік балапан сатып алуға 60 теңге;

— Өндірілген 1 дана жұмыртқаға 3 теңге;

— Өндірілген құс етіне 1кг 50 теңге

Қой, ешкі шаруашылығы:

— Асыл тұқымды мал сатып алуға 15 000-40 000 теңге;

— Бордақылау алаңдарына өткізілген еркек тоқтыларға 3 000 теңге;

— Асылдандыру жұмысына жылына 1 басқа 2 500-4 000 теңге;

— Жұмсалған мал азығына 1 басқа 8 000 теңге Доңыз шаруашылығы: — Шет елден аналық асыл тұқымды мал сатып алуға 100 000 теңге;

— Асылдандыру жұмысына жылына 1 басқа 40 000 теңге;

— Жұмсалған мал азығына 1 басқа 7 000 теңге

Бал ара шаруашылығы:

— Селекциялық асылдандыру жұмысына 1 балұяға 5000 теңге.

Айта кетейік, субсидиялауға өтінімдер қабылдау қала әкімдігінің 2023 жылға субсидиялау көлемдерін бекіту туралы қаулысы жарияланғаннан кейін жүзеге асырылады. Мемлекеттік қолдауға ие болу үшін subsidy.plem.kz электрондық базасында көрсетілген нұсқаулықтарды қарап, субсидиялаудың әр бағыттарымен танысуға болады.