jetpisbai.kz Ұлы Дала жаңалықтары
Испанияның Ла Нусия қаласында 16–19 сәуір күндері таэквондодан «Spanish Open» халықаралық рейтингтік турнирінде Қазақстан ұлттық құрамасы сапындағы түркістандық спортшы Назым Махмутова табысты өнер көрсетті. 73 келі салмақ дәрежесінде сынға түскен спортшы жоғары деңгейдегі бәсекеде шеберлігін дәлелдеп, жүлделі үшінші орынды иеленді.
Турнир барысында Назым қарсыластарына лайықты қарсылық көрсетіп, халықаралық аренадағы тәжірибесін тағы бір мәрте айқындай түсті. Айта кетейік, спортшынының жаттықтырушысы Рақымжан Жыңғылбаев жан-жақты дайындады. Бұл нәтиже — жүйелі дайындық пен табанды еңбектің жемісі.
Бұл жарысқа әлемнің бірнеше елінен мықты спортшылар қатысып, бәсекелестік деңгейі өте жоғары болды. Осындай халықаралық додада жүлде алу Назымның тек физикалық дайындығын ғана емес, тактикалық ойлау қабілетінің де жоғары екенін көрсетті. Әр жекпе-жек спортшы үшін үлкен тәжірибе алаңы болды.
Түркістан облысында таэквондо спорты соңғы жылдары қарқынды дамып келеді. Жергілікті спорт мектептері мен федерациялардың қолдауы жас спортшылардың халықаралық деңгейге шығуына мүмкіндік беруде. Назым Махмутованың жетістігі — осы жүйелі жұмыстың нақты нәтижелерінің бірі.
Алдағы уақытта спортшының басты мақсаты – әлемдік рейтингте өз орнын одан әрі жақсарту және ірі халықаралық чемпионаттарда жоғары нәтижелер көрсету. Ол үшін оқу-жаттығу жиындары мен дайындық бағдарламалары күшейтілмек. Бұл бағыттағы жұмыстар спортшының әлеуетін толық ашуға бағытталған.
Жерлестері мен спорт қауымдастығы Назымның жетістігін жоғары бағалап, оның болашақта ел намысын абыроймен қорғайтынына сенім білдіруде. Мұндай жеңістер жас спортшыларға мотивация беріп, олардың үлкен спортқа деген қызығушылығын арттыра түседі.
